Ақтау қаласында 1300 ден аса пәтерге жылу беру шектелді

«Каспий жылу, су арнасы» МКК хабарламасына сәйкес 20 қазан күнгі ақпарат бойынша Ақтау қаласының жылу желілеріндегі 6 нүктеде ақау тіркелді.

Олар:

1. 7 ш/а № 9 орта мектеп маңы (№ 9 орта мектепке жылу беру шектелген, тұрғын үй жоқ)​; 

2. 30 ш/а № 167 үй маңы (№ 19 ш/а Өрлеу ТҮК, барлығы — 168 пәтер); 

3. 23 ш/а, ҰБ ғимарат маңы (Антикор, ИВС, № 100 үй, барлығы — 35 пәтер, 101, 100а ғимарат, Қазына, Хан тәңірі, Батыс, СПР); 

4. 34 ш/а № 2 үй маңы (№ 2 үй, барлығы — 364 пәтер); ​​ 

5. 19А ш/а № 16 үй маңы жылу желісін қазу (№ 16,17 үйлер, барлығы — 216 пәтер); 

6. 17 ш/а «Таным» ТҮК маңы (№ 24, 24А үйлер, барлығы — 172 пәтер); 

7. Шығыс-1 ш/а, № 292/2 учаске (№ 359, 361, 379, 380 үйлер, барлығы — 414 пәтер); 

Қала әкімдігінің мәліметінше, Ақтау қаласына орталық жылу желісі арқылы жылу беруде шектеу жоқ.

— Тізімде көрсетілмеген тұрғын үйлерде мәселе болса, қызмет көсетуші мекеме (КСК, ОСИ) арқылы анықтау қажет. Ал анықтау мүмкін болмаса, коммуналдық мамандардан құралған жедел штабқа жүгінуге болады, — делінген хабарламада. 

Сонымен қатар, ведомство CALL орталық нөмірлерін де ұсынды: 87058162637 — күндізгі ауысымдағы маман; 87756334750 — түнгі ауысымдағы маман.

Бұдан бұрын Ақтауда тұрғын үй құрылысына қаржы құйған 550 азамат баспанасын ала алмағанын жазғанбыз.