Ақтөбе клубының капитаны командасынан кетті

«Ақтөбе» футбол клубы мен команда капитаны Әлібек Қасым екіжақты келісім негізінде еңбек шартын тоқтатты, – деп хабарлайды Aikyn.kz сайты.

Бұл туралы «Ақтөбе» футбол клубының баспасөз қызметі мәлімдеді.

«2022 жылдан бері «ақ-қызылдар» сапында өнер көрсеткен Әлібек команданың нағыз көшбасшысына және жанкүйерлердің сүйіктісіне айналды. Ол тек қорғаныстағы сенімділігімен ғана емес, маңызды сәттерде гол соғатын сұрмергендік қасиетімен де ерекшеленді.

Әлібек осы 4 жыл ішінде «Ақ-қызыл» жейдеде 100 ден аса матч өткізіп, 17 гол 2 нәтижелі бас берген еді. Ол осы уақыт аралығында клуб тарихындағы ең нәтижелі қорғаушылардың бірі ретінде қалды.

Әлібекке өткізген жарқын маусымдары, алаңдағы қайсарлығы және «Ақтөбе» намысын абыроймен қорғағаны үшін алғыс айтамыз. Оған алдағы мансабында үлкен табыстар тілейміз!», – делінген забарламада.

Айта кетейік, Әлібек Қасым командамен бірге Қазақстан кубогының жеңімпазы, ҚПЛ күміс және қола жүлделерін жеңіп алған еді.