Ақтөбе көшелеріне жаңажылдық керуен шықты

Қала тұрғындары мен қонақтарын Аяз ата, Ақшақар және ертегі кейіпкерлері құттықтап, мерекелік көңіл-күй сыйлады. 

Аяз ата мен Ақшақар бұл жолы күймеге емес, әсем безендірілген көліктерге мінген. Ертегі кейіпкерлері ертемен қала көшелерін аралап, дүкенге асыққан тұрғындарға мерекелік көңіл-күй сыйлады.

Дамир Картименов, Қурайлы мәдениет үйінің әртісі:

- 5 бағытта жұмыс істейтін боламыз. Аяз Ата, Ақшақар және ертегі кейіпкерлерімен қаламыздың қонақтарына және халқына жаңа жылдық көңіл-күй сыйлау.

Әртістердің бұл ойы жүзеге асқаны байқалады. Кездескен жандар жаңа Жыл жаршыларымен суретке түсіп, ән салып, би билеп те үлгерді. Тақпақ айтқан балаларға сыйлық таратылды. Қала тұрғындары мен қонақтары дәстүрлі мерекелік керуеннің көше аралап шыққанына дән риза.

Ақыл Жарылқасын, қала тұрғыны:

- Ақтөбе тұрғындары, супермаркетке келушілер суретке түсіп жатыр. Оның барлығы көңіл-күй ғой. Балалардың барлығы Аяз атаға тақпақтарын айтып, риза болып жатыр. Оның барлығы көңіл-күй. Барша Қазақстан халқы, Ақтөбе тұрғындарына жаңа жыл жақсылығымен келсін! Жаңа жыл құтты болсын!

Жаңа жылдық керуенге шығу Ақтөбеде дәстүрге айналған. Бұл жолы облыс орталығындағы мәдениет ошақтарының әртістері өнер көрсетті. Мерекелік шара күні бойы жалғасып, орталық алаңдағы үлкен кешке ұласады.

Авторлары: Мансұр Есқожин, Болатбек Молдағалиев, Айбек Даутов