Ақтөбеде домбыра туралы даулы мәлімдеме жасаған автор қамауға алынды

Ақтөбеде жергілікті тұрғын діни алауыздықты қоздырғаны үшін қамауға алынды. Әлеуметтік желіде домбыра туралы айтқан пікірлері оның қамауға алынуына себеп болды, деп хабарлайды Tengrinews.kz.

Ақтөбеде жергілікті тұрғын діни алауыздықты қоздырғаны үшін қамауға алынды. Әлеуметтік желіде домбыра туралы айтқан пікірлері оның қамауға алынуына себеп болды, деп хабарлайды Tengrinews.kz.

Ақтөбе тұрғыны видео түсіріп, онда домбыра тарту "харам" деп мәлімдеген. Полицейлер видеоға қызығушылық танытып, тексеру жүргізген.

Ақтөбе облыстық полиция департаментінің мәліметінше, ер адамға қатысты діни алауыздықты қоздыру дерегі бойынша қылмыстық іс қозғалды.

"Тергеу мәліметтері бойынша, күдікті әлеуметтік желілерде діни негізде алауыздық пен өшпенділік тудыруға бағытталған мәлімдемелер жариялаған. Жедел-іздестіру шараларының нәтижесінде оның жеке басы анықталып, ұсталды", - деп хабарлады өңірлік ПД.

Ведомство өкілдері қазіргі уақытта күдіктінің уақытша ұстау изоляторына қамалғанын атап өтті. Сот оған қатысты күзетпен ұстау түріндегі бұлтартпау шарасын таңдады.

Полиция әлеуметтік, ұлттық, рулық, нәсілдік немесе діни алауыздықты қоздырғаны үшін қылмыстық жауапкершілік қарастырылғанын еске салды.

ОБСУЖДАЕТСЯ СЕЙЧАС

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

Еске сала кетейік, бұған дейін Алматы облысының полициясы блогер К.-ны ұстаған болатын, ол әлеуметтік желілерде Наурызды "мұсылман емес" мерекесі деп атап, қазақстандықтарды одан бас тартуға шақырған. Оған қатысты діни алауыздықты қоздыру дерегі бойынша қылмыстық іс қозғалды.

Тағы оқыңыз: Threads-тегі арандатушылық: Алматыда Алика Мухамадиеваның "ізін қуушы" ұсталды