Ақылды домофон

 Біз шетелге демалуға кеттік деп, самолеттің билетін ұшатын кезімен бір аптадан кейін қона­тын уақытына дейін салған ғой. Ал ұрылар бір апта бойына біздің үйімізді от души тонаған. Олар біздің үйде ненің қай жерде тұрғанын онсыз да жақсы біледі ғой. Бәрін әйелім күнде салып отыр ғой. Ол аз дегендей, «біз бір жерге кеткен кезде үйге біреу-міреулерлер кеп жатса, кілт мына кілемшенің астында тұрады», – деп те салған ғой. Обшым не керек үйді тонап кетті. Содан көршілер болып жиналып, үйге ақылды домофон қондырдық. Әлгі домофон бәрін таниды, бәрін біледі. Үйге бір де бір ұрыны кіргізбейді. Сенбесеңіздер қазір көресіздер, өздеріңіз. 

– Саламатсызба, үйге кірейін деп едім.

– Мен сізді танымадым.

– А?

– Сізді тануым үшін пәте­ріңіз­дің нөмірін айтыңыз. Мен 99-пәтерденмін, мені жаттап алыңызшы айналайын домофон. 

– Мен сізді танымадым. Сізді тануым үшін пәтеріңіздің номе­рін айтыңыз. 

– Қарындас, ой қарындас деп­пін-ау, домофон. Домофон қа­рындас, сіз немене мені үйге кіргізбейін дедіңіз бе?

– Мен сізді танымадым.

Өй неге танымайсыз, 99-пә­тер­де тұрамын ғой. Пәтердің нөмірін ұстап суретке түсіп едік қой.

– Сізді суреттен тану үшін фото сөзін қайталаңыз.

– А?

– Фото сөзін қайталаңыз. 

– Фото, әкеңнің...

– Кешіріңіз, әкеңіздің фото­сы табылмады. 

– Ой, әкемнің фотосы сіз түгілі өзімде де жоқ. Просто есікті аш айналайын, үйіме кірейін. 

– Пәтеріңіздің нөмірін қайта­лаңыз. 

– Әй, 99.

– Кешіріңіз! Ай 99 деген пә­тер жоқ. 

– Ай 99 емес, жәй 99. Просто 99. Менің пәтерім де 99. Өзім де 99 қатыным вообще 98. 

– Кешіріңіз, 98-ші пәтерде сіз тұрмайсыз.

– Ойбай білем ғой мен ол үйде тұрмаймын. Мен 99-да тұрам.

– Пәтеріңіздің нөмірін нақты қайталаңыз.

– Айтып тұрмын ғой, домо­фон қарындас. Домофон қатын. Тоқсаааан.

– Кешіріңіз, сіз 90-шы пәтер­де тұрмайсыз.

– Өй, айтып болған жоқпын әлі. Тоқсан тоғыз, тоғыыыз...

– Кешіріңіз 9-шы пәтерде сіз тұрмайсыз.

– Ойбай-ай, ойбай! Аша ғой айналайын. Домофон қарындас, домофон қыз, домофон қатын. Қатын десе, қатын екенсің барып тұрған. 

– Кешіріңіз, сіз бұл үйде тұр­майсыз. 

– Неге тұрмаймын, таңертең осы үйден шықтым ғой айна­лайын-ау! Ойпырмай, ішіп кел­генде қатыныма бұлай жалын­баған шығармын. Аш, ай­на­лайын, өтінем аша ғой. Домо­фон тәте. Домофон апа. Домофон мама. Ашшы по­жалуйста...

– Сіздің суретіңізді салыс­тырамыз. Созылған қол ара­қашық­тығында экран алдына тұрыңыз. 

– Ойпырмай, алдыңғы аптада ғана түсірдің ғой суретке. Жарай­ды тұрайын енді. Тек үйіме кір­гізші айналайын. Түсір, түсір.Түсірмеген нелерің қалды? Қа­зақ­тың қадір-қасиетін түсірдің­дер. Абыройын түсірдіңдер, айлығын түсірдіңдер. Нелерің қалды түсірмеген? 

– Құттықтаймын! Фото тү­сірілді. Ақылды домофон функция­сын пайдалану үшін смартфоныңызға «Ақылды үй» қолданбасын қондырыңыз. 

– Нені қондыр дейді? Ай­налайын, сен мені үйіме қондыр­шы әуелі...

– Сау болыңыз!

– Тоқта, сау болғаны несі? Ау, үйіме кірмеймін бе? 

– Үйіңізге кіру үшін пәтер номерін нақты қайталаңыз. 

– Нөмерді айтқаннан пайда болмай тұр ғой... Фотомен кір­гізші ең болмаса...

– Созылған қол ара­қашық­тығында камера алдына тұрыңыз.

– Құдай-ай, ешкімге бас имеген қазақ едік, не болды, не болды мынау, домофон қатынның айтқанын істедік-ау. Ал түсір, түсір.

– Кешіріңіз, сіздің фотоңыз сіздің келбетіңізге сай келмейді. 

– Неге келмейд, мен не басқа біреудің суретін бетіме салып келіп тұрмын ба? Әлде пластика­лық операция жасатып келдім бе? Таңертең шықтым ғой осы үйден, өз қатынымның қойны­нан.

– Кешіріңіз, сіздің фотоңыз келбетіңізге сай келмейді.

– Еее, алдыңғы аптада менің мұртым болған. 

– Кешіріңіз, мұртыңыз өскен кезде келіңіз. 

– Өй, менің мұртым бір айда әрең өседі ғой... Менің мұртым бар ма, жоқ па туған әйелім бай­қамайды. Ал сен қатын, албасты домофон, байқап қалады екенсің де... Біздің қатынға мұрт түгілі қасыңды қырып тастасаң да бәрібір.

– Түсінбедім, қайталаңыз?

– Біздің қатын менің мұртым түгілі өзіне мұрт өсіп кеткенін байқамайды. 

– Ендеше әйеліңізге мұрт өскен кезде хабарласыңыз.

– Өй, шешімің сол ма? Қатын десе қатын екенсің, бетіңе айта-йын, білдің бе? Мен далаға қо-нам, білдің бе?.. Онсыз да қазақ-тардың бәрі үйсіз ғой. Мен де үйсіз қазақ секілді далаға қонам білдің бе? 

– Пәтер нөмірін білмесеңіз, аты-жөніңізді домофонға енгі-зіңіз. Ал енгізейін. Тәтебаев Құ-ралбек Нұрлыбекұлы.

– Тәтебаев Құралбек Нұрлы­бекұлы.

– Сіз дәл қазір үйіңізге кіре алмайсыз.

– Неге, кіре алмаймын? Ая­ғым жоқ па, қолым жоқ па, неге кіре алмаймын? Мүгедекпін бе? Неге кіре алмаймын? 

– Сіздің осы айда төленбеген ипотекалық несиеңіздің қарызы бар. Сол себептен үйіңізге кіре алмайсыз.

 – Ақылды домофон функ­ция­сын пайдаланғыңыз келсе, смартфоныңызға осы қол­дан­баны қондырыңыз. Мен досым­ның үйіне кеттім. Сол үйге қонам. 

 Бауыржан ОРДА