Астана мен Ақтөбе арасындағы матчта 8 гол соғылды Спорт порталы

Қазақстан премьер-лигасының (ҚПЛ) 25-турының орталық ойынында елордалық «Астана» өз алаңында «Ақтөбеден» 5:3 есебімен басым түсті, деп хабарлайды Vesti.kz.

Кездесу алғашқы минуттардан-ақ жоғары қарқынмен басталып, қос команда ерте голдар алмасты. Дегенмен бірінші таймның ортасына қарай алаң иелері басымдықты өз қолына алып, үзіліске дейін сенімді есеп орнатты.

Елордалықтардың сапынан нигериялық шабуылшы Чинеду Джеффри хет-трик жасап, кездесудің басты қаһарманы атанды. Сонымен қатар Усман Камара мен Назми Грипши де мергендік танытты — соңғысы тайм соңында пенальтиден көзге түсті.

Қонақтар да беріспей, Жайро Жан, Даниэль Созах және Артур Шушеначев соққан голдардың арқасында интриганы сақтап тұрды. Алайда есепті теңестіруге «Ақтөбенің» қауқары жетпеді.

Бұл жеңістен кейін «Астана» 56 ұпай жинап, чемпиондыққа таласты жалғастыруда. Ал шешуші ойын 26 қазанда Алматыда, ҚПЛ көшбасшысы «Қайратқа» қарсы өтеді.

Өз кезегінде «Ақтөбе» 42 ұпаймен турнир кестесінде бесінші орында қалды.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport