Астанада Халық заңгері акциясы өтті

Qazaq24.com, 24.KZ дереккөзінен алынған мәліметтерге сүйене отырып түсініктеме береді..

Астана қаласының Сарыарқа ауданында «Халық заңгері» акциясы өтті. Онда сан саланың өкілдері қарашаны қабылдап, заңдық тұрғыда тұрғындарға тегін кеңес берді.

Қоғамдық қабылдауға құқық қорғау қызметкерлерімен қатар барлық дерлік басқарма мамандары, отбасы банкінің өкілдері қатысты. Бас-аяғы 18 сала бір алаңға тоғысты. Келелі кездесуде көпшілік көкейіндегі сауалдарды жолдап, шешімін сұрады.

Ботакөз Қайролла, Астана қаласы Сарыарқа аудандық прокуратурасының аға прокуроры:

- Шараның мақсаты халыққа, шалғай аймақтарда орналасқан тұрғындарға тегін құқықтық көмек көрсету және олардың әлеуметтік сұрақтарына жауап беру болып табылады. Қазіргі таңда Сарыарқа ауданының акциясы «Наз» мемлекеттік би театрында, 18 мемлекеттік органдардың өкілдерімен және де құқықтық салалар бойынша жауап беретін мемлекеттік өкілдерінің шоғырландыруымен өтіп жатқан шара.

Мұндай басқосу биылдыққа бас қалада 7-ші рет өтіп отыр. Оған мыңнан астам халық қатысқан. Тұрғындардың денін тұрмыстық тіршіліктегі түйткілдер толғандырған.

Айгүл Ақбердіқызы, Астана қалалық Жұмыспен қамту және әлеуметтік қорғау басқармасының бөлім басшысы:

- Келіп отырған азаматтардың негізгі сұрағы жұмыспен қамту, жұмысқа орналастыру мәселесі бойынша кеңес сұрады. Бұл электронды үкімет арқылы, еңбек.кз порталы арқылы жүзеге асырылатынын айтып түсіндірдік. Астана қаласының Жұмыспен қамту және әлеуметтік қорғау басқармасы азаматтарды әлеумееттік қамтамасыз ету, әлеуметтік төлемдерге қатысты жалпы азаматтардан туындап жатқан сұрақтарға өз құзыреті шегімізде жауап берудеміз.

Арайлым Оразбек, Астана қаласының тұрғыны:

- Бүгін өте көп өзімізге деген керемет мәлімет алдық. Жеке басым алаяқтыққа байланысты сұрақ қойып, өте көп мәлімет алдық. Сондықтан да осындай ашық түрде іс-шаралар жүргізсе өте жақсы болады деп ойлаймын.

Жылжабар жүздесу келер жылы да жүйелі жүргізіледі. Айталық, акция Бас прокуратураның бастамасымен ұйымдастырылып келеді. Басты мақсат заң мен тәртіп үстемдік етіп, қарашаның құқығы қорғалуы.

Авторлары: Шернияз Жалғасбекұлы, Санжар Біргебаев, Дәулет Кибраев

Маңызды жаңалықтар мен жаңартуларды өткізіп алмау үшін Qazaq24.com сайтын қадағалаңыз.