Астанадағы балабақшаларға ЖИ енгізілді

Астанадағы балабақшалар автоматтандырылып жатыр. Жуырда ондағы бейнебақылау камераларына жасанды интеллект енгізілді. Жаңа технология бүлдіршіндердің қауіпсіздігін қамтамасыз етуге мүмкіндік береді.

Астаналық бір топ жас «Кинди» жобасын қолға алды. Олар қаладағы балабақшаларға бүлдіршіндердің бет әлпетін танитын, көңіл-күйі мен физикалық жағдайына талдау жасайтын жасанды интеллект орнатты.  Егер бала көңілсіз отырса немесе буллингке ұшырап жатса, камерадағы жаңа технология бірден белгі береді.

Нұрсұлтан Ысқақов, «Kindy» жобасының жетекшісі:

- Алдымызға балаларды қорғау міндеті қойылды. Олардың өз қатарласы немесе тәрбиешісі тарапынан буллингке ұшырауына жол бермеу үшін осы жобаны жасап шығардық. Егер құрылғы қандай да бір теріс қылықты байқаса, ол бірден дабыл соғып, балабақша басшысына немесе сол баланың ата-анасына хабарлайды. Бұдан бөлек, балабақша аумағына бөтен кісі кірсе, жасанды интеллект оны да байқап, тиісті дабыл қағады. 

«Kindy» жобасының әзірге екі балабақша мен бір түзету-дамыту орталығында іске қосылған. Осылайша, қазір жүйе 100-ден астам баланың қауіпсіздігіне жауап беріп отыр. 

Нұрсұлтан Ысқақов, «Kindy» жобасының жетекшісі:

- Балабақшадағы жасанды инетеллектіде қауіпсіздіктен бөлек, барлық бизнес дағдылары бар. Яғни ол қазір тәрбиешілердің көмекшісі ретінде де жүреді. Әрбір бүлдіршінге қатысты журналдар автоматты түрде толтырылады.

Әрбір жобаны жасап шығару үшін белгілі бір уақыт қажет. Ал дәл осы Кинди жобасын толықтай жүзеге асыру үшін жарты жыл кеткен. 

Ақбота Жұмағазина, ІТ қызметкер:

- Әртүрлі жоба болады, оның масштабына байланысты барылығы. Мысалы, жобаларымызыдң ішінде бір жоба жарты жыл болуы мүмкін, бір жоба екі ай жасалуы мүмкін. Соған байланысты команданы жинаймыз. Мысалы, екі бэкэд, екі  франтэн, дизнайнер, жоба менеджері және тестировщик деп бөлінеді.