Астаналық мергендер Азия чемпионатында бірнеше медаль жеңіп алды

Халықаралық деңгейдегі жарысқа Қазақстан ұлттық құрамасымен қатар Моңғолия, Қытай, Қырғызстан, Үндістан, Солтүстік Кипр, Түркия, Өзбекстан, Ресей және Тайланд елдерінен келген спортшылар қатысты. Жалпы саны 10 мемлекеттен 110-ға жуық мерген бақ сынады.

Чемпионатқа 18 жастан жоғары ерлер мен әйелдер қатысты.

Жарыс үш бағыт бойынша өтті:

• Пута нысанасы (9 оқ, 7 мүмкіндік)

• Орта Азия нысанасы (7 оқ, 9 мүмкіндік)

• Жамбы нысанасы (5 оқ, 5 мүмкіндік)

Барлық қатысушы аталған үш нысана бойынша сынға түсті. Жарыс қорытындысы бойынша Астана қаласының мергендері жүлделі орындарға ие болды.

Орта Азия нысанасы бойынша:

• Сабыржан Фариза – 1 орын.

Жамбы нысанасы бойынша:

• Батихан Айкөркем – 2 орын.

Пута нысанасы бойынша:

• Фариза Сабыржан – 2 орын;

• Айкөркем Батихан – 3 орын;

• Қасымхан Қанат – 3 орын.

Бұған дейін көркем гимнастикадан «Aphrodite Cup» турнирінде елордалық спортшылар топ жарғанын жазғанбыз.