Атырау маңында жоғалған отбасы оқиғасы: іздеу жұмысы қалай жүріп жатыр

Жангелдин ауылының жоғалған тұрғындарының ісі бойынша күдікті бұрын тұрған Геолог ықшамауданында іздеу және тергеу жұмыстары жүріп жатыр, деп хабарлайды Egemen.kz.

Фото: ашық дереккөз

Наурыз бен Мирамгүлді іздеу бес күннен астам уақыттан бері жалғасып жатыр.

Қазір аумақта полиция мен Ұлттық ұланның аз ғана күші жұмылдырылған. Жылжымалы штаб құрылған. Құқық қорғаушылардың айтуынша, іздеу мен тергеу жұмыстары тоқтаған жоқ, бұрын мұнда ауқымды шаралар өткізілгеніне қарамастан жалғасып жатыр.

Полиция қызметкерлерінің бірі аты-жөнін атамауды сұрап, тергеу барлық нұсқаларды қарастырып жатқанын айтты. Оның ішінде күдіктінің тұрған жеріне байланысты нұсқа да бар.

Атыраудағы жоғалған отбасының қызы мен баласын сүңгуірлер іздеп, таба алмады

Бұл аумаққа назар аударылуы бекер емес. Белгілі болғандай, күдікті Сұлтан Сарсемалиев пен жұбайы Ақбаян осы маңда 50 мың теңгеге уақытша үй жалдап тұрған. Олар біраз уақыт сонда өмір сүрген. Көршілес үйлердің бір бөлігі бос, бір бөлігі жалға берілген.

Үйдің ішінде тергеушілердің мұқият жұмысының іздері байқалады. Бөлме толық қаралған, заттар шашылып жатыр. Бөлменің ортасында кілем ұқыптап жинаулы тұр. Терезенің бір жақтауынан пломбаны алғаннан кейін тергеу кезінде қолданылатын қызыл бояудың ізі қалған.

Аула мен маңайда бұрын жүргізілген жұмыстардың іздері сақталған. Жер қазылған, кей жерлерде техниканың іздері көрінеді. Іздеу үшін бұған дейін көп күш пен арнайы құралдар тартылған. Әсіресе, жер астындағы нысандарды табуға арналған георадар қолданылған. Оны Оралдан жеткізген. Сол құралдың көмегімен аула, маңайдағы учаскелер және үйдің айналасы түгел тексерілген.

Бұл аудан біркелкі салынбаған, саяжайлармен шектеседі. Мұнда бейнебақылау камералары аз. Көршілердің камералары жазбаларды 15 күннен артық сақтамайды, бұл оқиғаның хронологиясын қалпына келтіруді қиындатады.

Атырау облысында жоғалып кеткен отбасы: тың деректер жарияланды

Көршілес Өзбекстан азаматтары тұрады. Олардың айтуынша, ешқандай күмәнді жағдайды естімеген, көрмеген. Тергеу барысында ықшамауданның басқа тұрғындары да сұралды. Барлығы да жанжал, шу немесе оғаш әрекеттерді байқамағанын айтты.

Көршілері отбасын тұйық адамдар деп сипаттайды. Олар сыртқа сирек шыққан, айналадағы адамдармен көп араласпаған.

Іздеу барысында аула мен маңай түгел тексерілген: қазу жұмыстары жүргізілген, шөп пен қамыс шабылған. Бірақ әзірге нәтиже жоқ. Жұмысты далаға жақын орналасуы, теміржолдың болуы, лай мен ауа райының қолайсыздығы қиындатып отыр.

Ресми түрде тергеу барлық нұсқаны қарастырып жатыр. Дегенмен жүргізіліп жатқан жұмыстар жоғалғандардың қаза болуы мүмкін деген болжамға көбірек көңіл бөлініп отырғанын көрсетеді.

Айта кетейік, Атырау облысында төрт адамнан тұратын отбасы хабар-ошарсыз кеткені хабарланған болатын.

Соңғы жаңалықтар

Қасым-Жомарт Тоқаев Израиль Премьер-министрімен сөйлесті

Президент • Кеше

Венеция биенналесінде Қазақстанды «ҚОҢЫР: архив үні» жобасы таныстырады

Мәдениет • Кеше

11 қаңтарда Қазақстанның басым бөлігінде боран соғады

Ауа райы • Кеше

Өткен жылы мас күйде көлік басқарған 23 мың жүргізуші ұсталған

Қоғам • Кеше

Әскери қызметке жарамдылық дәрежесі туралы анықтаманы онлайн алуға болады

Әскер • Кеше

Бокстан Қазақстан ерлер құрамасының бас бапкері ауысты

Тағайындау • Кеше

Волейболды жүрегімен сезінген спортшы

Спорт • Кеше

Алматыда 6 мыңнан астам жасқа психологиялық кеңес берілді

Жастар • Кеше

Жапонияда зообақ қызметкерлері аң костюмін киіп өнер көрсетті

Әлем • Кеше

Банктердегі кредиттердің жаппай кешірілетіні рас па?

Қаржы • Кеше

Өткен жылы ең көп табыс тапқан шахматшылар белгілі болды

Спорт • Кеше

Атырауда із-түзсіз жоғалған ер адам іздестіріліп жатыр

Қоғам • Кеше

Алматы музейлерінің қызметкерлері Кореяда біліктілігін арттырды

Мәдениет • Кеше

Олжас Бектенов сарапшылармен экономиканы дамыту мәселелерін талқылады

Үкімет • Кеше

«Қайрат» Чемпиондар лигасы матчы алдында ойсырай жеңілді

Спорт • Кеше

Барлық жаңалықтар