​Атырау облысында биылдыққа алғашқы үшем дүниеге келді

Атырау облыстық перинаталдық орталығында 2026 жылдың алғашқы үшемі дүниеге келді.

Қуанышты оқиға Мақат ауданының 29 жастағы тұрғынының отбасында орын алды.

Үш қыз бала дүниеге келді. Ата-анасы оларға Қымбат, Сымбат және Қарақат есімдерін берді. Бұған дейін отбасында бір ұл және екі қыз тәрбиеленіп келген, ал үшемнің дүниеге келуімен отбасы бірден алты балалы болды.

Қыздар 1 921 грамм, 2 275 грамм және 2 204 грамм салмақпен, бойлары 44–45 сантиметр болып туды. Қазір жаңа туған нәрестелер мен анасының жағдайы жақсы деп бағаланып отыр.

Перинаталдық орталықта Атырау облысында үшемнің дүниеге келуі сирек кездесетін құбылыс екенін атап өтті: соңғы рет осындай жағдай 2024 жылы болған еді. 

Жалпы, 2025 жылдың қорытындысы бойынша Атырау облысында 13 906 бала дүниеге келді.

Бүгін, 17:02