​Атырау полициясы тұман мен көктайғақ болады деп жүргізушілерді​ ескертті

Атырау қаласының патрульдік полиция қызметкерлері қолайсыз ауа райы жағдайлары жолдағы қозғалысты қиындатып, жол-көлік оқиғаларының қаупін арттыра түсетіні туралы жүргізушілерге ескерту жасады. 

полиция басқармасындағылардың айтуынша, тұман кезінде көлік жүргізушілеріне алдағы көліктерге дейінгі арақашықтықты анықтау қиындайды, қарсы және қатарлас бағытта келе жатқан көліктердің жылдамдығы да дұрыс байқалмайды. 

Осы себепті тұман кезінде алдағы көлікті басып озуға жол берілмейді.

Сонымен қатар, тұманда алысқа жарық түсіретін шамдарды қосуға болмайды, себебі жарық тұманнан шағылысып, көрінуді нашарлатады. Мұндай жағдайда жақын жарық шамдарын және тұманға қарсы шамдарды пайдалану қажет.
Күзгі-қысқы маусымда көктайғақтан сақтану қажет. Мұздақ кезде көлік жылдамдығын азайтып, алдыңғы көлікпен арақашықтықты барынша сақтау керек.

Жол-көлік оқиғаларының басты себебі — жол қозғалысы ережелерін сақтамау. Жылдамдықты арттыру, қауіпті маневр жасау сияқты бұзушылықтар аса ауыр зардаптарға әкелуі мүмкін. Табиғаттың қолайсыз жағдайлары қозғалысты қиындатып, апатқа соқтыру қаупін күшейтеді.

Осыған байланысты, Атырау қаласы полиция басқармасының патрульдік полиция батальоны жүргізушілерге қолайсыз ауа райы кезінде мүмкіндігінше сапарға шықпауға, жолға шыққан жағдайда барлық ережелерді сақтауға, көлік басқару кезінде телефонмен сөйлеспеуге және қауіпсіздік белдігін тағуға кеңес береді.

"Бұл қарапайым сақтық шаралары сіздің және өзге де жол қозғалысына қатысушылардың өмірі мен денсаулығын қорғауға мүмкіндік береді" - дейді полиция қызметкерлері.

Посмотреть эту публикацию в Instagram

Публикация от Атырау Облысы Полиция Департаменті (@police.atyrau)

Бүгін, 17:41