​ Атырауда полицейлер антына адал қызмет еткен Шалқар Ақымғалиевті еске алды

Атырауда патрульдік полиция батальонының қызметкерлері батыр әріптестерінің суретіне гүл шоқтарын қойып, оның ерлігін ілтипатпен еске алды.
2019 жылғы 21 наурызда сағат 21:52-де «102» жедел басқару орталығына белгісіз адам орталық көпірден өзенге секіргені туралы хабарлама түсті. 

Оқиға орнына алғашқылардың бірі болып жеткен сержант Шалқар Ақымғалиев еш ойланбастан мұздай суға секіріп, өз-өзіне қол жұмсамақ болған әйелді құтқаруға ұмтылды. Күшті ағыс пен судың суықтығына қарамастан, ол әйелдің өмірі үшін соңына дейін күресті. Әйел аман қалды, алайда Шалқар өзен ағысымен кетіп, қайта шыға алмады. 

Оның сүйегі кейін оқиға орнынан ағыспен әкеткен төменгі жақтан табылды.

"Шалқар Ақымғалиевтің жанқиярлық ерлігі – антқа адалдықтың, батылдық пен адамгершіліктің биік үлгісі. Ол өз өмірін тәуекелге тігіп, өзгенің тағдырын сақтап қалды", - деп атап өтті ІІМ әріптестері. 

Бүгін, 12:17