Атырауда құрылысшы өзіне тапсырыс берушілерді екі рет тонаған

Үй қожайындары оған жөндеу жұмыстарын сеніп тапсырып, тіпті үйлерінің кілтін қалдырып кеткен. Бірақ ол сенімді ақтамай, тұрғын үйлерден құрал-саймандар, тұрмыстық техника, жиһаз және басқа да заттарды алып кеткен.

Алғашқы жағдай 2025 жылдың қарашасында болды. Жеке үйдегі жөндеуден кейін ер адам түнде қайта келіп, аулаға кіріп, шаруашылық ғимаратына жасырын кірген. Ол жерден құрылыс құралдарын, балық аулау жабдықтарын және басқа да мүлікті алып кеткен.

Бірнеше күннен соң тағы бір клиентінің пәтерін тонады. Үй иесі Астанаға кеткенде, құрылысшыға жөндеуді жалғастыру үшін кілт қалдырған. Алайда ол жұмыс істемей, теледидар, жиһаз, кілемдер, радиаторлар мен сантехника бөлшектерін алып шыққан.

Сотта айыпталушы кінәсін толық мойындап, ұрланған заттарды сатып, ақшаны отбасын асырауға жұмсағанын айтты. Бір жәбірленушінің шығынын толық өтеген, екіншісіне тек жартылай қайтарған.

Заң бойынша мұндай ұрлық ауыр қылмыс саналғанымен, сот оны түрмеге қамаған жоқ. Ер адамға үш жылға бас бостандығын шектеу жазасы тағайындалып, пробациялық бақылау белгіленді. Үкім шығару кезінде оның кінәсін мойындағаны, өкінгені, шығынды ішінара өтегені, бұрын сотталмағаны және бес баланы тәрбиелеп отырғаны ескерілді.

Анастасия ШЕРСТЯНКИНА

Кеше, 18:43