Атырауда жеңімпаз атанған дзюдошыларға құрмет көрсетілді

Атырау облысы Дене шынықтыру, спорт және туризм басқармасына қарасты Олимпиадалық Жоғары спорт шеберлігі мектебінің басшысы Аслан Жаманбаев үздік спортшыларды сертификаттармен марапаттады.

Іс-шара барысында Олимпиадалық Жоғары спорт шеберлігі мектебінің талантты спортшылары Дана Абдирова мен Шынар Бітімбайға, сондай-ақ ҚР еңбек сіңірген жаттықтырушы Миржан Есмаганбетовке ақшалай сыйлықтар табысталды.

Дана Абдирова Перу астанасы Лима қаласында өтіп жатқан жастар арасындағы дзюдодан Әлем чемпионатында 57 кг салмақ дәрежесінде күміс жүлдегер атанды. Ал Шынар Бітімбай Индонезия астанасы Джакарта қаласында өткен дзюдодан жастар арасындағы Азия чемпионатында 70 кг салмақ дәрежесіңде күміс жүлде иеленді.

Бұл марапаттау — спортшылардың еңбегін бағалау, олардың халықаралық аренадағы жетістіктерін ынталандыру және алдағы жарыстарға рух беру мақсатында ұйымдастырылып отыр деп атап өтті ведомство басшылары.

Алма Калусариева

Сурет және видео: Атырау облысы бойынша дене шынықтыру спорт және туризм басқармасы

Бүгін, 17:45