Атырауды нөсер жаңбырдан кейін “су басты“ video

Атырауда нөсер жауын жауып, қала көшелерін су басты. Коммуналдық қызметтер көмекке келді, деп хабарлайды Tengrinews.kz.

Атырауда нөсер жауын жауып, қала көшелерін су басты. Коммуналдық қызметтер көмекке келді, деп хабарлайды Tengrinews.kz.

Кеше Атырау әкімдігі қалада нөсер салдарынан жиналған суды көшелер мен арықтардан тазарту жұмыстары жүріп жатқанын хабарлады. Коммуналдық қызметтер күшейтілген режимге көшті.

Instagram-дағы бұл жарияланымды көру

Атырау қаласы әкімдігінің жарияланымы (@atyrau_qalasy_akimdigi)

Қаладағы жағдайды тұрақтандыру үшін жұмыс үздіксіз, тіпті түнде де жүргізілді.

"Жұмыс тәулік бойы жалғасты. Бірінші кезекте әлеуметтік нысандардың аумақтары тазартылып жатыр", - деп хабарлады Атырау әкімдігі.

Бастапқыда қала әкімшілігі 20 техника жұмылдырылғанын айтса, кейінірек жаңбыр суын соруға 30-дан астам вакуумды техника тартылғанын хабарлады. Мамандар су басқан аумақтарды тазарту бойынша шұғыл жұмыстарды толассыз жүргізіп жатыр. Мектептер, балабақшалар аумағына, сондай-ақ негізгі көшелер мен жаяу жүргіншілер жолына басымдық берілген.

Instagram-дағы бұл жарияланымды көру

Атырау қаласы әкімдігінің жарияланымы (@atyrau_qalasy_akimdigi)

Әкімдік мәліметінше, тұрғындардың өтініштері жедел қаралып, әрқайсысы бақылауға алынған. Қала тұрғындары туындаған сұрақтар бойынша 109 бірыңғай байланыс орталығына хабарласа алады.

Instagram-дағы бұл жарияланымды көру

Атырау қаласы әкімдігінің жарияланымы (@atyrau_qalasy_akimdigi)

Атырау әкімдігі бір түннің ішінде қалада 24 миллиметр жауын-шашын түскенін айтты. Өңірде айлық орташа норма 17 миллиметр болса, одан бір жарым есе көп екенін айтты.

"Жалпы жұмысқа 40 вакуумды техника тартылып, 6 450 текше метр жаңбыр суы сорылды. Тәулік бойы кезекшілік ұйымдастырылды. Тұрғындардан 109 өтінім өңделіп, су жиналған учаскелер кезең-кезеңімен тазартылған", - делінген хабарламада.

Айта кетейік, синоптиктердің болжамы бойынша, 15 сәуірде Атырау облысында дауылды ескерту жарияланды. Облыстың батысында, солтүстігінде және оңтүстігінде жаңбыр, кей жерлерде қатты жаңбыр жауып, найзағай, бұршақ, дауыл күтіледі. Солтүстік-батыстан соғатын желдің екпіні 15-20 м/с, кей уақытта 23-28 метр секундқа дейін жетеді. Атырауда да жаңбыр жауып, найзағай ойнайды деп болжанған. Кей кездері дауыл соғады. Солтүстік-батыстан соғатын желдің жылдамдығы 15-20 м/с, екпіні 23 метр секундқа дейін жетеді.