​Атырауды тағы да шаң басты

Қалада тыныс алу қиындап кетті. Көшеде көтерілген шаң көз аштырмайды. 

Тұрғындар шаңнан қорғану үшін бетін жапса да, оның ұсақ бөлшектері кез келген жерге өтіп кетіп жатыр. 

«Ақ Жайық» IQAir сервисі арқылы ауа сапасы туралы мәліметтерді тексерді. 16 наурыздағы жағдай бойынша Атыраудағы ауа сапасының индексі (AQI) шамамен 57-ні құрайды, бұл ластанудың орташа деңгейіне сәйкес келеді. Негізгі ластаушы болып PM2.5 ұсақ бөлшектері болып отыр. 

Олардың қаладағы концентрациясы қазір 12,3 мкг/м³-ге жетті, бұл Дүниежүзілік денсаулық сақтау ұйымының (ДДҰ) ұсынған орташа жылдық деңгейінен шамамен 2,5 есе жоғары.

Сервистің мәліметтеріне сәйкес, ластанудың бұл деңгейінде кейбір сезімтал адамдардың, әсіресе көшеде ұзақ болған кезде тыныс алуына қолайсыздық туындауы мүмкін.

Бұған дейін Атырауда 27 ақпаннан бастап қатарынан үш күн бойы шаңды дауыл байқалған болатын. Сол кезде IQAir платформасының мәліметтері бойынша PM2.5 концентрациясы 7,4 мкг/м³ құрады, бұл ДДҰ-ның орташа жылдық бағдарынан шамамен 1,5 есе жоғары, алайда бұл экстремалды көрсеткіш болмады. 

Айнұр САПАРОВА

Суретті түсірген автор

Бүгін, 15:35