Балуан тас сапары: Сайрам мен Ордабасыда рухани танымдық зерттеу басталды

Түркістан облысында «Қазақ күшінің картасы» мәдени-танымдық жобасы аясында ұйымдастырылған «Балуан тас» экспедициясының алғашқы күні Сайрам және Ордабасы аудандарында өтті. Ұлттық баһадүрлік мұраны жаңғыртуға бағытталған сапар тарихи нысандарды зерделеу мен тың деректерді жинауға арналды, деп хабарлайды Egemen.kz.

Түркістан облысы әкімдігінің қолдауымен өткен экспедиция Шымкент қаласынан бастау алып, алдымен Ибрагим ата, Қарашаш ана, Бибіғияс ана кесенелеріне зиярат етуден басталды. Сайрам ауданында жалғасқан іс-шара барысында Нанжеместің көтерген символдық Балуан тасы зерттеліп, оның тарихи-мәдени мәні зерделенді.

Сапар аясында экспедиция мүшелері өңірдегі өндіріс орындарын да аралады. Соның ішінде «GenGroup Qazaqstan» ЖШС-ның банан плантациясына барып, кәсіпорын жұмысымен танысты.

Одан әрі жол Ордабасы ауданында жалғасын тауып, Қажымұқан Мұңайтпасұлы кесенесіне зиярат жасалды. Палуан бабаның ұрпақтарының қолында сақталған жәдігерлер зерттеу нысанына айналды. Атап айтқанда, Қажымұқанның арбасының бел темірі, ожауы, су құятын ыдысы, сырнайы мен шабаданы көпшілік назарын аударды. Экспедиция мүшелері палуан әулетінің өкілдерінен бұрын беймәлім болған деректерді жазып алды.

Сондай-ақ қатысушылар жаңғыртылған Қажымұқан атындағы облыстық спорт музейіне барып, онда сақталған сегіз Балуан тастың тарихымен танысты. Музейде жергілікті зиялы қауым мен спортшылардың қатысуымен «Күш лекциясы» ұйымдастырылып, Ұлы даланың күш мәдениеті мен батыр-балуандардың тарихи сабақтастығы сөз болды.

Осы жиында өңірдің белгілі қаламгерлері Асан Тұрабаев пен Ілесхан Байжановқа ұлт руханиятына қосқан үлесі үшін «Балуан тас» төсбелгілері табысталып, «Рухани палуан» атағы берілді. Жоба жетекшісі Абылайхан Қалназаров балуандық ұғымының мәніне тоқталып: «Балуандық тек қана қара күшпен өлшенбейді. Оның рухани және қайраткерлік қабаттары бар. Балуан тас та тек қана физикалық түрде көтерілмейді. Ол да тұтас бір философия болғандықтан, басқа да салаларда символдық тұрғыда көтеріле береді. Екі ағамыздың атқарған ісі жүздеген адам жұмыс істейтін үлкен зерттеу институттарына бергісіз.

«Ұлылардың бағасын халық бергенімен, сыйын жеке ерлер береді» деген бар. Біздікі соған ишара», деді.

Бірінші күннің қорытындысы бойынша «Қазақ күшінің картасына» бір символдық және сегіз заттық Балуан тас жеке нысан ретінде енгізіліп, олардың толық сипаттамасы ақпараттық базаға тіркелді.

«Балуан тас сапары» басталды

Айта кетейік, экспедиция 21 наурызға дейін жалғасады. Алдағы күндері Бәйдібек, Созақ, Отырар, Сауран аудандары мен Түркістан қаласында зерттеу жұмыстары жүргізіледі. Жобаны «Baluan tas» ұлттық спорт түрлері және мәдениеті академиясы ұйымдастырып отыр.

Сапар құрамына арнайы жасақталған журналистер мен блогерлер тобы, ғалымдар мен спортшылар енген. Олардың қатарында Зейін Әліпбек бастаған медиа өкілдері, Серік Ерғали жетекшілік ететін ғалымдар шоғыры және әйгілі балуан Арман Сүлеймен бар.

Еске сала кетейік, «Қазақ күшінің картасы» жобасының тұсауы өткен жылы Наурыз мерекесінде елордада кесілген еді. Бұған дейін Ақтөбе және Павлодар облыстарында ұйымдастырылған экспедициялар нәтижесінде алғашқы ғылыми-мәдени деректер жинақталған. Түркістан бағытындағы бұл сапар жобаның рухани-тарихи тұрғыдан маңызды кезеңдерінің бірі саналады. Сонымен қатар іс-шара Наурыз мейрамы мен Түркістанда өтетін көкпардан әлем чемпионатына орайластырылған.

Жобаның басты мақсаты – қазақтың дәстүрлі күш мәдениетін кешенді зерттеу, балуан тастарды ұлттық мұра ретінде жүйелеу және оларды заманауи мәдени айналымға енгізу арқылы ұлттық бірегейлікті нығайту.

Соңғы жаңалықтар

Буллингке тосқауыл: Балабақша мен колледждерге медиация қызметі енгізіледі

Білім • Бүгін, 12:30

Астанада екінші әуежай қашан салынады?

Оқиға • Бүгін, 12:18

Камчыбек Ташиев екі бірдей іс бойынша куәгер ретінде жауап беріп жатыр

Әлем • Бүгін, 12:06

Трамп Қасым-Жомарт Тоқаевты Майамиде өтетін G20 саммитіне шақырды

Президент • Бүгін, 11:57

Қазақстан арқылы жаңа халықаралық әуе бағыты ашылады

Оқиға • Бүгін, 11:45

Жоғарғы Сот судьясы қызметінен босатылды

Оқиға • Бүгін, 11:33

Таяу Шығыстан азаматтарды елге қайтару үшін қанша қаражат жұмсалды?

Оқиға • Бүгін, 11:25

Қызылорда облысында шенеунік қамауда отырғанын жасыру үшін жалған құжат сатып алған

Қоғам • Бүгін, 11:17

Жүргізуші куәлігін заңсыз алу: Еліміздің бірнеше өңірінде 60-тан астам жемқорлық фактісі әшкере болды

Қоғам • Бүгін, 11:12

Қазақстан жаһандық экономикалық рейтингте 36-орынға тұрақтады

Экономика • Бүгін, 11:01

Әлем экономикасы 219 трлн доллардан асты: Азия көш бастап тұр

Экономика • Бүгін, 10:48

Қарағанды облысында жол апатынан 3 адам көз жұмды

Оқиға • Бүгін, 10:39

Жаңару күні: Бүгін Астанада қандай іс-шаралар өтеді?

Наурызнама • Бүгін, 10:27

Наурызнама: Бүгін – Жаңару күні

Наурызнама • Бүгін, 10:15

Brent маркалы мұнайдың бағасы барреліне 112 доллардан асты

Әлем • Бүгін, 10:02

Барлық жаңалықтар