Балық шаруашылығында береке бар

Еліміздегі жылына 120 мың тонна балық өңдейтін 72 кәсіпорынның қатарында Сыр бойындағы өндірістер де бар. Әсіресе Арал ауданы бұл бағытта біраз жобаны іске асырып отыр. Қазір облыста Кіші Арал теңізінің 18 учаскесі, Сырдария өзені, 17 көл тіркелген. Теңізде мекендейтін 19 түрлі балықтың 16-сы ауланады.

Елімізде халықтың жан басына шаққандағы балық тұтыну көрсеткіші өскен. Әрине, қажетті мөлшер саналатын 14–15 килоға дейін әлі біраз бар. Бірақ елімізде балықты қолдан өсіру қар­қын алса, бұл межеге де көп ұзамай жетіп қалармыз. Осы күні тауарлы көл шаруашы­лықтары Алматы, Түркістан, Жетісу өңірінде көбейгені байқалады. Ал Атырау, Қы­зыл­орда, Алматы, Шығыс Қазақстан облысында кәсіптік балық аулау қарқын алған. 

Аудандық ауыл шаруа­шылығы және жер қатынас­тары бөлімінің басшысы Жәнібек Жұбановтың айтуынша, қазір Аралда жылдық қуаты 24 мың тоннаға жуық­тайтын 9 зауыт бар. Былтыр күзде жылына 6 мың тонна балық өңдейтін «Қарашалаң балық» зауыты іске қосылды. 

Теңізді өңірдегі «Agrofish 2020», «Арал СДО», «Камбала – балық» балықшылар өнді­рістік орталығы», «СДО Қара­шалаң», «Aral Sea food», «Қара­шалаң балық» ЖШС зауыттары балықты терең өңдеумен, «Ар-М-Кон», «Бөген СДО», «Қуаныш», «Zhal gasbay» секілді шағын кәсіпорындар балықты қатырып, мұздатып, ыстаумен айналысады.

«Аудандағы «Арал ба­лық өңдеу зауыты» мен «Арал сервистік дайындау орта­лығы» ЖШС балық өңдеу зауытында ғана еурокод бар. Жаңағы өндіріс орындарынан бөлек, балықты сұрыптап қатырып, сақтайтын цехтар да аз емес. Былтырғы 11 айда 4 190 тонна балық ауланыпты. Бұрнағы жылы 2 847 тонна өнім өңделсе, былтыр бұл көрсеткіш 4 731 тоннаға жетті. Оның 2 080 тоннасы шет мемлекеттерге экспортталды», дейді бөлім басшысы.

Аудандағы Қамыстыбас балық тәлім­бағы Кіші Арал теңізі мен кәсіпорын айна­ласындағы су айдындарына шабақ өсіріп, жібереді. Мемлекеттік тапсырыс есебінен онда жыл сайын 15 млн 220 мың шабақ өсірілсе, оның ішінде 14 млн 800 мың  бір жылғы, 420 мың екі жылғы шабақ күтімге алынады.

Ал Ақшатау елді мекенін­дегі «Жамбыл» өндірістік коопе­ративінде балық дер­нә­сілдерін шығаратын ин­ку­бациялық цех жұмыс істеп тұр. Цехтан шық­қан дер­нә­сілдер жергілікті су қой­ма­ларын балықтандыруға кете­­ді. Бұдан бөлек, «Арал Рыб­торг» ЖШС Аманөткел ауы­лынан 15–20 млн ша­баққа арналған инкубациялық цех құру жұмысын бас­тапты.  

Ауданда тоған шаруа­шы­л­ығы ба­ғытында жақсы бас­тама бар. Ақирек тауының бау­райындағы 380 гектар жерден тоған қазылып, гид­ро­құрылысы аяқталды. Қа­зір тоғанға аудандағы «Қа­­мыстыбас» балық тәлім­ба­ғында өсірілген ақ амур, дөңмаңдай, сазан шабақта­рының 50 мыңы жіберіліп жатыр. Құны 685 млн теңге болатын жоба үшін «Байқоңыр» ӘКК» АҚ арқылы 513 млн теңге несие алыныпты. Жылдық қуаты 300 тоннаға же­тетін тоғанда алдағы уа­қытта сазан тұқымдас балық­тар өсіріледі. 

«Балық шаруашылығын дамытудың 2021–2030 жыл­дар­ға арналған өңірлік бағ­дар­лама­сы­на сәйкес тауар­лық балық өндірі­сін ұлғайту мақсатында «Ақша­тау-Сорғақ», «До­малақ», «Тұщы», «Қаракөл», «Алаша», «Ақбі­лек»,  «Шөмішкөл» тізім­ге еніп отыр. Жалпы, ауданда бұл ба­ғыт бо­йынша жұмыс істейтін 16 ша­руа­­шы­лық бар.  

Қызылорда облысы,

Арал ауданы 

Соңғы жаңалықтар

«Australian Open»: Қарсыластар анықталды

Теннис • Бүгін, 09:40

Балық шаруашылығында береке бар

Шаруашылық • Бүгін, 09:35

Бір секундта қан тоқтатады

Ғалам ғажаптары • Бүгін, 09:30

Халық көп тұтынатын тауарлар бағасы өскен жоқ

Өнім • Бүгін, 09:25

Мемлекеттік сыйлыққа өтінім қабылданады

Қоғам • Бүгін, 09:20

Салық бәсекелестікті қалай дамытады?

Экономика • Бүгін, 09:15

Құрылтай қуаты

Пікір • Бүгін, 09:10

Әлеуметтік ғылым: Басымдықтардың жаңа моделі

Пікір • Бүгін, 09:05

Тұңғыш мүфтиіміз бақиға озды...

Тағзым • Бүгін, 09:00

Көлік көбейген сайын қауіп күшейіп барады

Заң мен Тәртіп • Бүгін, 08:55

Айдағы қонақүй

Ғалам ғажаптары • Бүгін, 08:50

Өндірісі өрістеп, ырысы еселенген өңір

Аймақтар • Бүгін, 08:45

Тоқыма тылсымы

Көрме • Бүгін, 08:40

Энергетикалық нысандарды аралады

Энергетика • Бүгін, 08:35

Бес минуттың әсері

Ғалам ғажаптары • Бүгін, 08:30

Барлық жаңалықтар