Береке мен бірліктің орталығы

Қызылордада Қазақстан халқы Ассамблеясының 30 жылдық мерейтойы аясында салынған Достық үйі ашылды.

Рәсімге Қазақстан халқы Ассамблеясы төрағасының орынбасары, Президент Әкімшілігі Қазақстан хал­қы Ассамблеясы хатшы­лы­ғының меңгерушісі Марат Әзілханов, Парламент Се­наты мен Мәжілісінің депутаттары Руслан Рүстемов, Наурызбай Байқадамов, Мұрат Әбенов, Мархабат Жайымбетов, Мұрат Ергеш­баев, Аян Зейнуллин, «Қаз­АтомӨнеркәсіп» ұлттық атом компаниясының бас­қарма төрағасы Мейіржан Юсупов, «Самұрық-Қазына Траст» корпоративтік қо­рының бас директоры Аль­фия Адиева, зиялы қауым өкілдері қатысты.

Бірлік пен берекеге үндейтін орталықтың ашылу рәсімінде облыс әкімі Нұрлыбек Нәлібаев жаңа ғимарат ел игілігіне қызмет ететінін айтып, құттықтау сөзін жеткізді.

«Өңірімізде 30-дан аса этнос өкілдері тату-тәтті өмір сүреді. Ассамблея жа­­нын­да 11 этномәдени бір­лестік бір мүдде, бір мақ­сат жолында ұйысып, ел­дің бірлігін сақтау бағы­тында жұмыс істеп келе­ді. Береке-бірлігіміздің ұйыт­қысына айналып, еліміздегі этносаралық достық пен бірліктің үлгісін әлемге таныт­қан Қазақстан хал­қы Ассамблеясының құ­рыл­­ғанына өткен жылы 30 жыл толды. Бүгінде Ас­сам­­блея халқымызды бірлік­ке, достыққа үндейтін жал­пы­ұлттық келісімнің негі­зіне айналды. Өткен жылы 1 мамыр – Қазақстан хал­қының бірлігі күні өзде­ріңізбен бірге осы жерде жаңа ғимараттың іргета­сын қалаған едік. Бүгін «Қаз­АтомӨнеркәсіп» ұлт­тық атом компаниясының де­меу­шілігімен 3 млрд 800 млн теңгеге салынған сол Достық үйінің заманауи ғимаратын ел игілігіне табыстап отырмыз. Жалпы­ұлттық тұрақтылық пен қоғам­дық келісімнің қай­нар бұлағы – Қазақстан халқы Ассамблеясының 30 жылдығы аясында бой кө­терген, достық пен келісім­нің нышанына айналатын жаңа ғимарат баршаңыз­­ға құтты болсын!» деді Н.Нә­лібаев.

Салтанатты рәсімде бір­лік пен келісімнің ны­ғаюы­на елеулі үлес қос­қан Ас­самблея мүшелері мен жаңа ғимаратты салған мер­дігер мекеме өкілдері Қызылорда облысының Құрмет грамотасымен, облыс әкімінің Алғыс хатымен марапатталды.

Ғимаратта бірлік мен ын­тымақты нығайтуға атса­­лысқан этномәдени бір­лес­тіктер жұмысына бар жағ­дай жасалған. Соны­мен қатар мұнда облыс­тық, қалалық ардагерлер кеңе­сінің, Азаматтық Альянс өкіл­дерінің де толық жаб­дық­талған жұмыс каби­нет­тері бар. Қала сәуле­тіне сән қосқан жаңа ғима­раттағы 200 орындық концерттік, 50 орындық акт залдарында мәдени-рухани шаралар ұйымдастыруға болады.

Заманауи ғимарат шы­ғар­машыл жастарға ар­нал­ған домбыра, ән, би үйір­мелері, медиация орта­лығы, музей, Ассам­блея жанындағы ғылыми сарап­шылық топтар жұмы­сына да жаңаша серпін береді.

Қызылорда 

Соңғы жаңалықтар

Қайтарылған қаржыға Тайынша ауруханасы жаңартылды

Экономика • Бүгін, 15:20

Қазақстан мен Хорватия серіктестігі нығаяды

Саясат • Бүгін, 15:05

Мұстафа Шоқайдың бұрын жарияланбаған фотосуреттері табылды

Жәдігер • Бүгін, 14:45

Израилдің батыс жағалауында 4G іске қосылды

Саясат • Бүгін, 14:00

Ислам Чесноков Шотландияның «Хартс» клубына ауысты

Футбол • Бүгін, 13:35

Президент сұхбаты: мемлекет саясаты қалай өзгерді?

Саясат • Бүгін, 13:11

АҚШ Конгресі Венесуэлаға қатысты әрекеті үшін Трампты айыптады

Әлем • Бүгін, 12:40

Юто Кубо Қаршыға Дәуітбектің көзін шұқып алды

Спорт • Бүгін, 12:15

Диспансерлік есепте тұрған 1787 жүргізушінің көлік басқаруына шектеу қойылды

Қоғам • Бүгін, 12:03

Автожолдардағы бүгінгі ахуал қандай?

Оқиға • Бүгін, 11:37

Дастан Сәтпаев үздіктердің көшін бастап тұр

Футбол • Бүгін, 11:26

Астанаға апаратын автобус

Қоғам • Бүгін, 10:55

Жаңа техника жұмысты жетілдіреді

Аймақтар • Бүгін, 10:50

Жігіттер жарап тұр

Кәсіпқой бокс • Бүгін, 10:45

Үздік балуандар анықталды

Күрес • Бүгін, 10:40

Барлық жаңалықтар