Барлығы аман қалды . Ғылым министрі қазақстандық препаратты сынау нәтижелері туралы айтты

Қазақстанда онкологиялық ауруларға қарсы отандық препараттың клиникалық сынақтары жалғасып жатыр. Ғылым және жоғары білім министрі Саясат Нұрбектің айтуынша, адамдарға жүргізілген сынақтардың бірінші кезеңі аяқталды, алдын ала нәтиже көңіл көншітерлік деректерді көрсетті - зерттеуге қатысушылардың бәрі аман, ал кейбір науқастарда ісік кішірейгені тіркелді, деп хабарлайды TengriHealth.

Қазақстанда онкологиялық ауруларға қарсы отандық препараттың клиникалық сынақтары жалғасып жатыр. Ғылым және жоғары білім министрі Саясат Нұрбектің айтуынша, адамдарға жүргізілген сынақтардың бірінші кезеңі аяқталды, алдын ала нәтиже көңіл көншітерлік деректерді көрсетті - зерттеуге қатысушылардың бәрі аман, ал кейбір науқастарда ісік кішірейгені тіркелді, деп хабарлайды TengriHealth.

Үкімет отырысында Саясат Нұрбек препаратты әзірлеу қауіпсіздік пен тиімділікті тексерудің бірнеше міндетті кезеңінен өтетінін айтты. Министр сынақтар Астана, Алматы және Қарағандыдағы онкологиялық орталықтар базасында жүргізіліп жатқанын нақтылады.

"Біз адамдарға жүргізілетін клиникалық сынақтардың екінші кезеңіне өттік. Бұл кез келген дәрі-дәрмекті әзірлеудің өте күрделі 6–7 кезеңнен тұратын процесі. Жануарларға жүргізілген сынақтар мен адамдарға арналған бірінші кезең артта қалды. Қазір екінші кезеңге кірісіп жатырмыз, онда ең жоғары нәтижеге қол жеткізу үшін қажетті нақты доза анықталады", - деді министр тілші сұрағына жауап бере отырып.

Зерттеудің аралық қорытындысы туралы сұраққа жауап берген Нұрбек бірінші кезең онкологиялық аурудың ауыр түрлеріне шалдыққан науқастарға жүргізілгенін еске салды.

"Алғашқы нәтижелер туралы бұған дейін баяндағанбыз. Зерттеу онкологияның ауыр түрлері бойынша жүргізілді", - деді ол.

Бұл ретте министр екінші кезеңнің алдын ала көрсеткіштерін жария етті.

"Барлығы аман қалды. Шамамен 30 пайызға жуық жағдайда ісіктің кішірейгені байқалды", - деп мәлімдеді Нұрбек.

Ол сынақтар жалғасып жатқанын, ал билік егжей-тегжейлі мәліметтерді кейінірек ұсынуды жоспарлап отырғанын атап өтті.

"Меніңше, қыркүйекте Қарағанды, Алматы, Астана онкологиялық орталықтарындағы клиникалық сынақтардың қорытындысы бойынша жеке брифинг өткіземіз. Бәлкім, одан да ертерек, бірақ нақты нәтижелермен бөлісеміз", - деп атап өтті министр.

Нұрбек жыл соңына дейін дәріні тіркеу процедурасын бастау жоспарланғанын айтты.

2025 жылғы қарашада Қазақстанда обырға қарсы отандық препараттың клиникалық сынақтарының шешуші кезеңіне көшу туралы хабарланған болатын. Әзірлеуші Дос Сарбасов бұған дейін жануарларға клиникаға дейінгі зерттеулердің сәтті жүргізілгенін мәлімдеді.

Жаңа кезеңде емдеу тәсілі өзгерді: препараттың ісік пен метастаздарға тікелей әсерін, сондай-ақ пациенттердің оны көтере алу деңгейін бағалау үшін ол стандартты химиотерапияға дейін қолданыла бастады.

31 наурызда қатерлі ісікке қарсы отандық DVC препараты пацинеттерге клиникалық сынақтан өткізіле бастағаны белгілі болды.

Сынақтар Ұлттық ғылыми онкологиялық орталық базасында өтті, онда жасанды интеллектті пайдаланатын адаптивті сәулелік терапияны қоса алғанда, емдеудің заманауи әдістері қатар енгізіліп жатыр. Орталық мәліметінше, пациенттердің 80 пайыздан астамы ем қабылдап үлгерген және мамандар нәтижелерді оң бағалап отыр.

Алғашқы отандық қатерлі ісікке қарсы препараттың жасалғаны туралы 2024 жылдың басында белгілі болды. Кейін Саясат Нұрбек сынақтардың барысы мен көңіл көншітерлік нәтижелер туралы айтып берді.

Google News арқылы жаңалықтарымызды қадағалаңыз

қатерлі ісік

ауру

Дәрі-дәрмек

сынақ