Баспананы жалға беру бағасы өсті: Астана мен Алматыда баға қандай?

Фото: Ашық дереккөз

Барлық дерлік қалада баға қымбаттады

Соңғы бір айда Қазақстан бойынша тұрғын үйді жалға алу құнының бір шаршы метрінің орташа бағасы 3,1%-ға өсті.

Ең жоғары өсім Астанада тіркелді – 6,9%.

Одан кейін:

Қонаев – 6,5%; Талдықорған – 5,9%; Қостанай – 4,4%.

Алматыда жалдау бағасы 3,4%-ға, Шымкентте 3,2%-ға өсті.

Тек Түркістанда және Таразда ғана баға өзгерген жоқ.

Жалдау бағасының төмендеуі бірде-бір қалада байқалмады.

Жастарға арналған жалға берілетін тұрғын үй бағдарламасы тоқтатылады

Ең қымбат және ең арзан жалдау бағасы

Қазіргі таңда тұрғын үйді жалға алу ең қымбат қалалар:

Алматы – 5 814 теңге/шаршы метр; Астана – 5 476 теңге/шаршы метр; Қостанай – 4 000 теңге/шаршы метр; Өскемен – 3 947 теңге/шаршы метр; Павлодар – 3 846 теңге/шаршы метр.

Ең төменгі жалдау бағасы:

Түркістан – 2 000 теңге/шаршы метр; Тараз – 2 250 теңге/шаршы метр; Қызылорда – 2 500 теңге/шаршы метр.

Жалдамалы тұрғын үй нарығы: баға мен болжам

Астана Алматыдан озды

Биылғы жаз мезгілінің басты жаңалығы – бір бөлмелі және үш бөлмелі пәтерлерді жалға алу құны бойынша Астана Алматыны басып озды. Бұған дейін көш басы әрдайым Алматыға тиесілі болған.

Қазір елордада бір бөлмелі пәтерді жалға алу орта есеппен айына 220 мың теңге болса, Алматыда бұл көрсеткіш 210 мың теңге.

Үш бөлмелі пәтерді жалдау құны:

Алматыда – 400 мың теңге; Астанада – 500 мың теңге.

Соған қарамастан, Алматыда бір шаршы метрдің жалдау бағасы жоғары – 5 814 теңге, ал Астанада – 5 476 теңге.

Бұл пәтерлердің аумағына байланысты. Астанадағы баспаналар әдетте кеңірек болғандықтан, бір шаршы метр арзанырақ болса да, жалпы жалдау ақысы жоғары шығады.

Елімізде тұрғын үйді жалға алу бағасы өсті. Баспана қай аймақта қымбатқа түседі?

Неліктен жалдау бағасы өсіп жатыр?

Дәстүр бойынша тұрғын үйді жалға беру нарығындағы жоғары сұраныс кезеңі тамыз айында басталады. Алайда биыл нарық шілденің соңғы күндерінде-ақ жандана бастады.

Бұл демалыс маусымы мен жаңа оқу жылына дайындыққа байланысты. Көптеген адамдар ұзақ мерзімге баспана табу үшін алдын ала көшіп келеді.

Нәтижесінде ең қолжетімді пәтерлер тез жалға беріліп, нарықтағы орташа жалдау бағасы өсіп жатыр.

Бағаның өсуіне әсер ететін негізгі фактордың бірі – студенттердің сұранысы.

Алматыда 220 мыңнан астам студент білім алады, олардың шамамен 150 мыңы – басқа өңірлерден келген жастар. Жатақхана орындарының жетіспеуіне байланысты олардың көбі пәтер жалдауға мәжбүр.

Астанада да жағдай ұқсас, бірақ студенттердің сұранысының нарыққа әсері салыстырмалы түрде біршама төмен.