Бельгия королі Филипп пен патшайым Матильда Қазақстанға келеді

Ақорданың хабарлауынша, жоғары деңгейдегі келіссөздер барысында Қазақстан мен Бельгия арасындағы көпжақты ынтымақтастықты нығайту перспективалары талқыланады.

"Мемлекеттік сапар аясында Қасым-Жомарт Тоқаев, король Филипп пен патшайым Матильда "Қазақстан-Бельгия" іскерлік кеңесінің төртінші отырысына, сондай-ақ екі ел жоғары оқу орындары ректорларының форумына қатысады. Бұдан бөлек, бірқатар өзге де іс-шара өткізу жоспарланған", – делінген хабарламада.

Сапар қорытындысы бойынша бірлескен мәлімдеме қабылданып, екіжақты ынтымақтастықты дамытуға бағытталған бірқатар құжатқа қол қойылады.