Биыл 21 мыңнан астам мал мен 2,6 млн құс сақтандырылды

Енді шаруалар өздерінің ірі қарасын, ұсақ малын, жылқысын және құстарын сақтандыра алады.  

Мемлекет сақтандыру полисінің құнының 80 процентін өтейді, ал қалған 20 пайызын фермер өзі төлейді. Бұл фермерлердің қаржылық тәуекелін азайтып, мал шаруашылығын қорғауға мүмкіндік береді. Бұл туралы «Аграрлық несие корпорациясы» АҚ сайтында жарияланды.

Биыл 21 мыңнан астам мал мен 2,6 млн құс сақтандырылып, жалпы 272 млн теңгеге 126 шарт жасалған. Оның ішінде 217 млн теңгесін мемлекет субсидиялаған. Жүйе жұқпалы аурулардан, өрттен, табиғи апаттар мен жазатайым жағдайлардан қорғайды. Айта кетейік, жыл басынан бері сақтандыру компаниялары 42 млн теңгеден астам өтемақы төлеген.