Биыл елімізде оқушылар 70 ке жуық білім бәйгесіне қатысты

Жыл басынан бері қазақстандық оқушылар 70-ке жуық білім бәйгесіне қатысты. Мұндай іс-шараларға бас-аяғы 1,5 млн жасөпірім қамтылған. 

Бұл жалпы білім алатын жастардың үштен бірі. Яғни әрбір үшінші оқушы зияткерлік жұмыстармен тұрақты шұғылданады деген сөз. Әсіресе ауыл мектептеріндегі балалардың белсенділігі артып келеді. 

Бұл  - Динара Жарқынбекқызы. Бес тіл білетін елордалық оқушы болашақта халықаралық қатынастар саласында еңбек еткісі келеді. Арманшыл жастың мақсаты айқын, мұраты биік. Бүгіннің өзінде АҚШ-тың үш үздік университетінен шақырту алған. Мұхит асып оқып, кейін Қазақстанда жұмыс істегім келеді дейді өзі. Ол Ғылыми жобалармен де жүйелі шұғылданып келеді. Оның ойлап тапқан туындылары түрлі байқауларда жүлде салып жүр.

Динара Жарқынбекқызы, Астана қалалық №82 «Дарын» мамандандырылған мектеп-лицейінің оқушысы:

- 2024-2025 оқу жылдары аралығында республикалық ғылыми жобадан екінші орын алдым. Этно мәдениет секциясы, тарих пәні бойынша. Осы өзім дүниежүзілік көшпенділер ойындары арқылы өз жобамды қорғап, әртүрлі сайтпен, QR-кодтар жасап. Төрт тілде: қазақша, орысша, ағылшынша, испанша тілдерінде ойындарды аударып, ойын шарттарын түсіндірген болатынмын. 

Қазір бой салыстыратын емес, ой салыстарын заман. Осындай уақытта оқуда озат, білімінің білігі сай оқушыларды қолдау да қарқын алып келеді. Мәселен, елде дарынды балаларға арналған мамандандырылған мектептер жұмыс істейді. Солардың бірі Астанада орналасқан. Он жылдық тарихы бар оқу орнында бүгінге дейін 65 алтын белгі иегері шыққан. Бүгінде бас қаладағы маңдайалды білім мекемелерінің бірі.  

Ләззат Есенова, Астана қалалық №82 «Дарын» мамандандырылған мектеп-лицейі директорының орынбасары:

- Білім сапасы ол оқушылардың тоқсандық, жылдық алған бағалары 95-тен жоғары береді. Енді осы сападан оның ішінде мектеп түлектеріміз жылына ҰБТ тапсырады. Тесттен де жоғары нәтиже көрсеткен мектептердің бірі болып табыламыз және кез келген түлегіміз грант иегері болып атанады. Қазақстанның ең білікті университеттерінде және шетелдік білікті университетінен грант иегері атанып жатыр. 

Білімге бейім оқушылар үшін түрлі ғылым бәйгелері де тұрақты ұйымдастырып келеді. Мәселен, жыл басынан бері біздегі білім алушылар 70-ке жуық республикалық додада бақсынған. Ал 1600 астам жас 36 халықаралық олимпиадаға қатысып, 922 жүлде салған. Оның 177-і алтын, 329-ы күміс, 416-ы қола медаль. Оқу жылының соңына дейін тағы 17 жаһандық жарыста ел намысын қорғайды. 

Ажар Рахлетова, «Дарын» республикалық ғылыми-практикалық орталығының бөлім басшысы:

- Ең беделді жеті пәндік олимпиадаларда 27 марапат иеленуіміз. Оның ішінде 4 алтын, 13 күміс және 10 қола медальдарымыз бар. Ол жеңімпаздарымызды биыл тамыз айында мемлекет басшысымыз ақордада қабылдап, 1 реттік ақшалай сыйақымен марапаттады. Ортақ сома 100 млн теңгеден асты. 

Мемлекет мезіреті мұнымен түгесілген жоқ. Алда Алматыда оқу үздіктеріне арналған «Үркер» білім беру орталығы салынады. Онда жастарды ғылым, білімге баулиды. Сондай-ақ, талантты жастар SMART Daryn ұлттық цифрлық платформасына топтастырылып,  шығармашылық әлеуетіни арттыруға мүмкіндік алады.

Авторлары: Шернияз Жалғасбекұлы, Диас Қобланбаев, Мерей Талап