Бокстан халықаралық турнир: Бауыржан Әли қарсыласын бірінші раундта нокаутқа түсірді

Тараз қаласындағы Жақсылық Үшкемпіров атындағы «Тараз Арена» спорт кешенінде Қазақстанның кәсіби бокс федерациясы санкциялаған халықаралық бокс турнирі өтті, – деп хабарлайды Aikyn.kz. 

Аталған додада ҚР ІІМ Б.Бейсенов атындағы Қарағанды академиясы курсанты, Қазақстан Республикасының бокстан спорт шебері Бауыржан Әли тәжікстандық боксшы Раджабой Ахмедовпен төрт раундқа жоспарланған жекпе-жек өткізді.

Жекпе-жек барысында қазақстандық боксшының жоғары дайындық деңгейі мен тәжірибесінің арқасында бірінші раундтың 57-секундында қарсыласына ауыр соққылар дарытып, техникалық нокаутқа түсірді. Нәтижесінде, төрешілер жекпе-жекті мерзімінен бұрын тоқтатып, Бауыржан Әли жеңіске жетті.

Бұл жеңіс – қазақстандық бокс мектебінің жоғары деңгейін тағы бір мәрте дәлелдеп, еліміздің әлемдік бокс аренасындағы беделінің биік екенін айқындай түсті.