Бөлектау экосоқпағы халықаралық деңгейде мойындалды

Қазақстанда жүзеге асырылған «Бөлектау» геймификацияланған экосоқпақ жобасы халықаралық деңгейде мойындалып, IN SITU зерттеу жобасының ғылыми комитеті тарапынан іріктелді. Жоба Еуропада урбандалмаған аумақтарды креативті дамыту үлгісі ретінде таныстырылады, – деп хабарлайды Aikyn.kz.

Отандық тәжірибе 2026 жылғы 11–13 мамыр күндері Латвияның Валмиера қаласында өтетін Culture Matters Here: Cultivating Creative Place-Based Innovation in Non-Urban Communities халықаралық конференциясында ұсынылады.

Зерттеуді жобаның негізін қалаушылар Ирина Харитонова мен Александра Харитонова таныстырады.

IN SITU жобасы мәдениет пен креативті индустриялардың мәдениет, цифрлы технологиялар, тұрақты туризм және жергілікті экономиканы ұштастыру арқылы шағын қалалар, ауылдық аумақтар мен табиғи өңірлердің дамуына қалай ықпал ететінін зерттейді.

«Бөлектау» жобасы табиғи аумақтардың тұрақты туризм, экологиялық ағарту және цифрлы шешімдер тоғысқан жерде инновациялық алаңға айнала алатынын көрсететін жарқын мысал.

Бұл жоба Орталық Азиядан зерттеу аясында талқылауға шақырылған алғашқы мысалдардың бірі болды. Бұған дейін негізінен еуропалық тәжірибелер қарастырылып келген.

«Бурабай» мемлекеттік ұлттық табиғи паркінде орналасқан «Бөлектау» геймификацияланған экосоқпағы – Қазақстандағы алғашқы интерактивті жаяу жүру бағыты. Соқпақ 2025 жылғы қыркүйекте ашылған. Жоба күрделі көтерілуді QR-кодтар, үш тілдегі аудиогид және Telegram-бот арқылы қызықты квестке айналдырып, қауіпсіздік пен экологиялық білім беруді қамтамасыз етеді. Жоба Home Credit Bank, «Бурабай» МҰТП және Ақмола облысының туризм басқармасы арасындағы әріптестік негізде жүзеге асырылды.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.