Босния және Герцеговина Қатарды жеңгенімен, плей офф тағдыры шешілген жоқ

Босниялықтар матчтағы есепті 29-минутта ашты. Керим Алайбегович қарсылас қақпасынан саңылау тапты. Араға бес минут салып еуропалық құраманың басымдығы артты. Бұл жолы Катар қорғаушысы Сұлтан Әл-Браке өз қақпасына гол соғып алды.

Катарлықтар үзіліске дейін ойынға қайта оралды. 42-минутта Хассан Әл-Хайдос есеп айырмасын қысқартып, өз командасының үмітін жандандырды.

Екінші таймда Босния және Герцеговина ойын тізгінін қолынан шығармай, матч соңына қарай жеңісін нықтай түсті. 81-минутта Эрмин Махмич үшінші голды соғып, кездесудің нүктесін қойды.

Жеңіске қарамастан, Босния және Герцеговина құрамасы топтық кезеңді үшінші орында аяқтады. Команда төрт ұпай жинады. Дегенмен дәл осындай ұпайы бар Канададан доп айырмасы бойынша қалып қойды.

В тобында жеті ұпай жинаған Швейцария бірінші орынға ие болса, Канада екінші орынмен плей-оффқа өтті. Бір ұпай еншілеген Катар соңғы орында қалып, жарыс жолын аяқтады.

Енді Босния және Герцеговина үшінші орын иегері ретінде 1/16 финалға шығу мүмкіндігін білу үшін басқа топтардағы матчтардың нәтижесін күтеді.