БҚО да қайтарылған активтер есебінен 27 әлеуметтік жоба жүзеге асырылып жатыр

Фельдшерлік-акушерлік бөлімше, дәрігерлік амбулатория және ауызсумен қамту жүйесінің құрылысына 17 млрд теңгеден астам қаржы жұмсалған. Қазір 15 жоба ел игіліне тапсырылды. Жауаптылардың айтуынша, қалғаны жыл соңына дейін аяқталады. Әлеуметтік нысандар өңірдің бес ауданында бой көтереді.

Ғаділ Наршиев, Ақбұлақ ауылының тұрғыны:

- Жаңа ғимарат салып жатыр. Бәрі жабдықталған. Ауылға керек қой. Ауылға келіп, қан қысымын өлшетсек те жақсы. Ауылда тек маман тапшы. Солар жеткілікті болса, әрине, жақсы ғой.