Бұрынғы шенеунік өз өлімін қолдан жасап, 13 жыл бойы соттан жасырынып келген

Марианна Ступина РФ Астрахань облысының Тұрғын үй-коммуналдық шаруашылық (ТҮКШ) министрінің бірінші орынбасары қызметін атқарған. 2012 жылы ол жемқорлық үшін 7 жылға бас бостандығынан айырылған болатын. Алайда үкім шыққаннан кейін Ступина Татарстанға қашып кеткен, деп хабарлайды Arasha.kz.

Әйел интернет арқылы хабар-ошарсыз кеткен адамдар туралы жаңалықтарды бақылап отырған және бірде Новосибирск облысында өзіне ұқсайтын әйелдің денесі табылғанын көреді. Сол сәтте Марианна әрекет етуге бел буады.

Ол күйеуін мәйітті «тануға» жібереді, күйеуі қайтыс болған адамның «әйелі» екенін растайды, содан кейін іс жабылады. Осыдан кейін Марианна Астрахань облысына оралып, 13 жыл бойы жасырын өмір сүрген.

2026 жылы құпияның беті ашылды — тергеу органдары Ступинаның тірі екенін анықтап, оны тауып алып, колонияға жіберді.