Былтыр Каспий теңізінде 600 ден астам браконьерлік фактісі тіркелді

АСТАНА, 6 қаңтар – Sputnik. Ұлттық қауіпсіздік комитеті шекара қызметінің 2025 жылғы іс-қимылдары туралы деректі жариялады.

"ҰҚК Шекара қызметі 2025 жылы құзыретті органдармен өзара іс- қимыл жасай отырып, Мемлекеттік шекараны қорғау мен күзетуді қамтамасыз ету шеңберінде шекара кеңістігінде ҚР заңнамасын бұзған 52 мыңнан астам адамды жауапқа тартты", - деп жазылған хабарламада.

Тауарлар мен жүктердің мемлекеттік шекара арқылы заңсыз қозғалысының 17 541 фактісінің алдын алды, оның ішінде:

есірткі заттары - 344 факті (1,5 тоннадан жоғары);

қару мен оқ-дәрілер - 847 факті;

діни әдебиеттер - 315 факті;

жанар-жағармай материалдары - 5 900 факті;

халық тұтынатын тауарлар - 8 083 факті;

валюталар - 2 052 факті.

Сонымен қатар Каспий теңізінің су айдынында 607 браконьерлік фактінің жолы кесілді. Нәтижесінде 226 бірлік жүзу құралы, браконьерлік аулау құралы ретінде 580 км тор, 2 376 бекіре тұқымдас балық, 7 193 қара балық және 24 итбалық тәркіленді.

Алдын алған залалдың жалпы сомасы 75 млрд теңгеден астамды құрады.