Декреттік төлемнің ең жоғары мөлшері қанша?

Фото: istockphoto.com

Оның айтуынша, жылдың алғашқы алты айында жүктілік пен босануға байланысты әлеуметтік төлемнің орташа мөлшері шамамен 1,4 млн теңгені құрады. Өткен жылдың осы кезеңінде бұл көрсеткіш 1,6 млн теңге болған. Осылайша орташа төлем көлемі 254,9 мың теңгеге немесе 15,5 пайызға төмендеген.

«Бұл өзгеріс заңнамаға енгізілген түзетулермен байланысты. Енді төлемді есептеу кезінде ескерілетін орташа айлық табыстың ең жоғары мөлшері ең төменгі жалақының жеті еселігімен шектеліп, 595 мың теңгені құрайды. Сонымен қатар төлем мөлшері әр азамат үшін жеке есептеледі. Ол соңғы 12 айда әлеуметтік аударымдар жүргізілген табыс көлеміне және жүктілік пен босануға байланысты демалыс ұзақтығына байланысты анықталады», деді ол.

42 офицер декретке шыққан: Олардың демалыс уақыты қызмет мерзіміне есептеліне ме?

Балғын Сәтбекқызының айтуынша, 2026 жылы жүктілік пен босануға байланысты біржолғы әлеуметтік төлемнің ең жоғары мөлшері 2 млн 499 мың теңгеден аспайды.

Еске сала кетейік, елімізде бала туған кездегі біржолғы мемлекеттік жәрдемақы мөлшері бірінші, екінші және үшінші балаға – 164 350 теңге, ал төртінші және одан кейінгі балаларға – 272 475 теңге болып бекітілген.