“Дофамин” іздеп Астанадан үш сағаттық жерде құпия Instagram локациясы табылды

Астана маңында әлеуметтік желілерде тез танылып жатқан жаңа орын пайда болды. Көкжиекке дейін созылып жатқан күнбағыс алқабын көру үшін қазақстандықтар күннің батуын тамашалап, әдемі суреттерге түсу үшін бірнеше сағат жол жүруге дайын. Tengri Travel сол жерге барып қайтқан елорда тұрғыны Михаилмен сөйлесіп, локацияны қалай табуға болатынын және сапар алдында нені білу маңызды екенін анықтады.

Әлеуметтік желіні баурап алған алқап

Михаилдың айтуынша, ол бұл ерекше жер туралы кездейсоқ - әлеуметтік желідегі жазбалар арқылы білген.

"Әлеуметтік желілерден күнбағыс алқаптарын көріп қалдым. Әрине, мұндай сұлулықты өз профилімде де көрсеткім келді", - дейді ол.

Instagram-дағы бұл жазбаны көру

A post shared by Еще один Иванов (@iammishaivanov)

Сапар туралы видео тез тарап, 100 мыңнан аса қаралым жинады. Желі қолданушылары пікірлерде алқаптың қай жерде екенін, жолдың ұзақтығын және қазір баруға бола ма деп сұрап жатыр.

"Астанадан алыс па?", "Қандай керемет! Күннің батуы неткен әдемі!", "Кім әлі бармады? Бірге жиналып барайық!", "Менің де барғым келеді!", "Бұл қазір сондай әдемі ме, әлде күзде ме? Тез айтыңыздаршы, жігітімді баруға көндіруім керек!" - деп жазды желі қолданушылары.

Алқап қай жерде және оған қалай жетуге болады?

Михаилдың айтуынша, алқап Бурабай ауданында - Құмдыкөл көліне қарама-қарсы, Златополье және Савенки ауылдары маңында орналасқан.

Астанадан жол жүру уақыты шамамен үш сағатты алады.

"Жол өте жақсы, ешқандай кедергі жоқ. Тасжолдан алқап бірден көрінеді, табу оңай. Әсері керемет: біз суреттерге ерекше реңк беру үшін арнайы күн батар шақта бардық", - деп бөлісті ол.

Оның сөзінше, бұл бағытқа кез келген жеңіл көлікпен баруға болады.

Күнбағыс алқабының нақты координаттарын мына сілтемеден көруге болады:

Скриншот: 2GIS

"Өмірде көргенде әсері әлдеқайда күшті"

Саяхатшыны бәрінен де алқаптың ауқымы, күнбағыстардың қанық түсі мен хош иісі таңғалдырған.

Ол мыңдаған гүлдеп тұрған өсімдіктер арасында болғандағы сезімді суреттер толық жеткізе алмайтынын айтты.

Күнбағыс алқабына бармас бұрын нені білу керек?

Бұл орынға баруды жоспарлап жүргендерге Михаил бірнеше қарапайым ережені сақтауға кеңес береді:

күн батарда келіңіз. Батып бара жатқан күн сәулесінде алқап өте көрікті көрінеді, ал жарық фото мен видео үшін таптырмас мүмкіндік; алқап ішінде абайлап жүріңіз. Өсімдіктерді зақымдап алмас үшін ұқыпты болыңыз; күнбағыстарды жұлмаңыз. Өзгенің еңбегіне құрметпен қараңыз - бір сурет үшін гүлдерді үзбеңіз; қоқыс тастамаңыз. Табиғаттың сұлулығынсақтап қалу мақсатында өзіңізбен әкелген қоқыстың бәрін алып кетіңіз.

Google News арқылы жаңалықтарымызды қадағалаңыз

Жазылу