Дүниежүзілік банк Қазақстанға алты жыл бойы 1 млрд долларға дейін бөлмек

АСТАНА, 13 ақпан – Sputnik. Дүниежүзілік банк Қазақстанды 6 жыл қатарынан 1 млрд долларға дейін қаржыландыруға дайын екенін айтты.

Бұл туралы банк өкілдері Астанада ҚР Ұлттық экономика министрлігінің вице-премьері Серік Жұманғаринмен кездесуде мәлімдеді. Тараптар 2026-2031 жылдарға арналған серіктестіктің жаңа негіздемелік стратегиясын дайындау туралы талқылады.

Бұл жеке секторды нығайту, инфрақұрылымды дамыту және экономиканың бәсекеге қабілеттілігін арттыру үшін қосымша жағдайлар жасайды.

"Біз Дүниежүзілік банкпен серіктестікті жоғары бағалаймыз. Ұсынылған стратегия сараптама, қаржыландыру және бірлескен бастамалар арқылы реформаларымызды қолдауға жағдай жасайды", - деді Жұманғарин.

Стратегия көлік және цифрлық байланысты дамыту, климаттық күн тәртібі, су және энергетика секторларында қызмет көрсету сапасын арттыруды көздейді. Сондай-ақ қаржы нарықтарын дамыту, жеке инвестициялар, тағы да басқа жобалар жүзеге асады.