Елімізде тоғыз банк тарату сатысында тұр

Бұл туралы Қаржы нарығын реттеу және дамыту агенттігінің төрағасы Мадина Әбілқасымова 2025 жылғы 25 желтоқсанда Сенат кулуарында айтты, деп хабарлайды Egemen.kz.

Оның айтуынша, еліміздің банк жүйесі тұрақты әрі сенімді күйде.

«Банк жүйесінде капитал қоры жеткілікті деңгейде қалыптасқан. Капиталдың жеткіліктілік деңгейі 2,7 пайызды құрайды, ал ең төменгі талап – 8 пайыз. Яғни, өтімділік пен капиталдың айтарлықтай қоры бар, сондықтан банктердің банкротқа ұшырауына ешқандай алғышарт жоқ», деді агенттік төрағасы.

Мадина Әбілқасымованың мәліметінше, қазіргі таңда қадағалау жүйесі банктік секторда тәуекелдердің алдын алуға бағытталған. Осы мақсатта жыл сайын активтердің сапасына бағалау жүргізіледі, банктердің несие портфелі тексеріліп, анықталған шығындар бойынша тиісті провизиялар қалыптастырылады.

«Сонымен қатар банктердің күйзеліс жағдайларына төзімділігін анықтау үшін қадағалау стресс-тестілеуі жүргізіледі. Бұдан бөлек, банктің бизнес-моделі, корпоративтік басқару деңгейі және басқа да тәуекелдер бағаланады. Осы бағалаулардың негізінде жыл сайын банктер үшін қосымша қадағалау капиталы белгіленеді. Мұның барлығы банкроттықтың алдын алуға бағытталған», деп түсіндірді агенттік басшысы.

Ол сондай-ақ банкрот деп танылған банктерге мемлекеттік қолдау көрсетілмейтінін атап өтті. Мұндай банктер заңнамаға сәйкес міндетті түрде таратылуы тиіс.

«Қазіргі уақытта елімізде тоғыз банк таралу сатысында тұр. Олардың лицензиялары 2007-2021 жылдар аралығында қайтарылып алынған. Мемлекеттік қолдау тек қаржылық тұрақтылығын қалпына келтіруге мүмкіндігі бар банктерге ғана көрсетілді», деді Мадина Әбілқасымова.

Оның айтуынша, 2017 жылы қаржылық тұрақтылықты қамтамасыз ету бағдарламасы қабылданып, оның аясында алты банкке жалпы сомасы 1,8 трлн теңге көлемінде мемлекеттік қолдау көрсетілген. Соның ішінде үш банк 738 млрд теңге көлеміндегі қаражатты мерзімінен бұрын толық қайтарды. Қалған үш банк те мемлекеттік қолдауды жоспарланған мерзімнен ерте өтеуді көздеп отыр.

Соңғы жаңалықтар

Астанада «Дипломат» тұрғын үй кешенінің жанында мейрамхана өртенді

Оқиға • Бүгін, 14:19

Антикадан Астанаға дейін: кітапханалар қалай жаңартылып жатыр?

Білім • Бүгін, 14:13

Ел тұрғындары баспана мен емделу бағытында БЖЗҚ-дан қанша трлн теңге алды?

Қаржы • Бүгін, 14:01

«Namys» спорттық сыйлығының жеңімпаздары анықталды

Спорт • Бүгін, 13:36

Елімізде педагогтердің құқығын бұзу фактілері үш есе азайды

Білім • Бүгін, 12:50

Сенат «Құрылыс кодексі» мен «Банктер туралы» заңды Мәжіліске қайтарды

Заң • Бүгін, 12:45

Түркістанда екі бала пиротехникадан зардап шекті

Оқиға • Бүгін, 12:33

Мемлекет басшысы Олжас Бектеновті қабылдады

Президент • Бүгін, 12:23

Инвесторлармен жұмыс істеу барысында қағазбастылыққа жол берген 326 шенеунік жазаланды

Заң • Бүгін, 12:20

Алматыда биыл 20 мыңнан астам жас жұмыспен қамтылды

Қоғам • Бүгін, 11:59

Мюнхеннен Бейжіңге бағыт алған ұшақ Алматыға шұғыл қонды

Оқиға • Бүгін, 11:52

Астанада «Соғым-FEST» жәрмеңкесі 5 күн бойы өтеді

Елорда • Бүгін, 11:40

2025 жылы Қазақстан спортшылары қандай жетістіктерге қол жеткізді?

Спорт • Бүгін, 11:30

Елімізде тоғыз банк тарату сатысында тұр

Банк • Бүгін, 11:21

Қонақ үйлер заманауи стандарттарға сай жаңартылады

Қоғам • Бүгін, 11:15

Барлық жаңалықтар