Елімізге шетелдік жұмыс күшін тарту тәртібі өзгерді

Мемлекет басшысы Қасым-Жомарт Тоқаевтың тапсырмаларын жүзеге асыру аясында Премьер-министрдің орынбасары – мәдениет және ақпарат министрі Аида Балаева Үкіметтің 2025 жылғы желтоқсанда қабылдаған 2030 жылға дейінгі Көші-қон саясаты тұжырымдамасының негізгі ережелерін түсіндірді, деп жазады Egemen.kz.

Фото: Ашық дереккөз

Оның айтуынша, қазіргі заманда көші-қон саясаты қоғамдағы, экономикадағы және әлемдегі өзгерістердің айқын көрсеткішіне айналып отыр. Сондықтан көптеген ел өз көші-қон саясатын қайта қарап жатыр. Еліміз де бұл бағытта нақты қадамдар жасап, көші-қон жүйесін заман талабына сай жаңартып келеді. Ол ашық әрі айқын болып, ең бастысы мемлекет пен азаматтардың мүддесіне қызмет етуге тиіс.

2025 жылғы желтоқсанда Үкімет 2030 жылға дейінгі көші-қон саясатының тұжырымдамасын қабылдады. Бұл құжатта экономиканың қажеттілігі, азаматтардың мүддесі мен ұлттық қауіпсіздік мәселелері жан-жақты қарастырылған.

«Ең алдымен, біз Қазақстан азаматтарының мүддесін басшылыққа аламыз. Шетелдік жұмыс күші тек нақты кадр тапшылығы бар салаларға ғана тартылады. Көші-қон бағыт-бағдары өңірлер мен нақты жобалардың сұранысына сай қалыптасады», деді Аида Балаева.

Бұл ретте басты назар «Заң және Тәртіп» қағидатының сақталуына салынады.

Димаш Құдайберген Халықаралық көші-қон ұйымының жаһандық ізгі ниет елшісі атанды

«Заң – бәріне ортақ. Сондықтан көші-қон талаптарын бұзғандар жауапкершіліктен сырт айналып кете алмайды. Бұл талап мигранттарға да, жұмыс берушілерге де бірдей қолданылады. Қауіпсіздік елге кіруден бастап, елден шығуға дейін толық қамтамасыз етіледі. Біздің мақсатымыз – Қазақстанға заңды сыйлайтын, мәдениетімізді құрметтейтін адамдардың келуі», деді ол.

2026 жылғы қаңтардан бастап жаңа тәртіп енгізу көзделген. Шетел азаматтары, соның ішінде этникалық қазақтар, алдын ала іріктеуден өтеді. Оған мемлекеттік тілді білу тесті, цифрлық сауалнама, уәкілетті органдардың тексерулері және әңгімелесу кіреді. Мемлекеттік қолдауға үмітті қандастарымыз үшін арнайы тәртіп бар.

Мемлекеттік жеңілдіктер мен қолдау бағдарламаларын пайдалану үшін олар қандас мәртебесін рәсімдеп, еңбек күші тапшы Ақмола, Абай, Қостанай, Павлодар, Атырау, Батыс, Шығыс және Солтүстік Қазақстан облыстарына қоныстануы керек.

«Біз отандастарымызды мемлекеттік стратегияны ұстануға шақырамыз. Өңірлік квотаға кірген қандастар көшіп келген кезде 5 жылға әлеуметтік келісімшарт жасайды. Мемлекет оларға көшуге, баспанаға және жұмысқа орналасуға көмектеседі. Ал егер отбасы бес жыл өтпей басқа өңірге көшсе, алған көмекті қайтаруға тиіс болады», деп түсіндірді Аида Балаева.

Сонымен қатар балама жол да бар. Яғни, мемлекеттік қолдаусыз, жалпы тәртіппен тұрақты тұруға рұқсат алу. Бұл жағдайда өңірді өз қалауыңызша таңдай аласыз. Министрдің айтуынша, жаңа көші-қон саясаты кезең-кезеңімен енгізіледі. Қоғамның, бизнестің және өңірлердің пікірі ескеріледі. Заңды құрметтейтін, адал азаматтарға әрдайым басымдық беріледі. Цифрлық құралдар заңсыз әрекеттер мен жалған құжаттарды жоюға мүмкіндік береді.

Е.Көшербаев Бішкекте заңсыз көші-қон мен экстремизмге қарсы күш біріктіруді ұсынды

«Көші-қон мәселесі заңды, қауіпсіз әрі бақылауда болуға тиіс. Тек сонда ғана ол мемлекетіміз бен азаматтарымыздың мүддесіне сай келеді», деді Премьер-министрдің орынбасары – мәдениет және ақпарат министрі.

Соңғы жаңалықтар

Ақ шашты дәуір: қартайып бара жатқан адамзат қайтсе аман қалады?

Қоғам • Бүгін, 14:23

Елімізге шетелдік жұмыс күшін тарту тәртібі өзгерді

Саясат • Бүгін, 14:18

Спортшыларға арналған жасанды интеллект бағдарламасы әзірленіп жатыр

Технология • Бүгін, 14:01

Дрон арқылы мал ұрлығы ашылды

Қоғам • Бүгін, 13:49

78 мыңнан аса бала «Ұлттық қордан» түскен қаржыға оқу ақысын төлеген

Экономика • Бүгін, 13:01

Белгілі актер Мұрат Бисембин қайтыс болды

Тұлға • Бүгін, 12:50

Алматы облысында қар барысының ізі анықталды

Оқиға • Бүгін, 12:27

ҚазҰУ-дың шатырына күн панельдері орнатылды

Технология • Бүгін, 12:13

Каникул кезінде батысқазақстандық 126 бала құқық бұзған

Аймақтар • Бүгін, 12:02

Михаил Кукушкин ширек финалға шықты

Спорт • Бүгін, 11:58

82 млн теңге: Ақмолада жер телімі мемлекетке қайтарылды

Қоғам • Бүгін, 11:40

13 жастағы оқушы информатикадан республикалық олимпиаданың жеңімпазы атанды

Білім • Бүгін, 11:37

WhatsApp-та кибералаяқтықтың жаңа түрі пайда болды

Қоғам • Бүгін, 11:25

Алматыда ер адам мешітте намаз уақытында ұрлық жасаған

Оқиға • Бүгін, 11:10

Шымкентте үшем дүниеге келді

Аймақтар • Бүгін, 11:00

Барлық жаңалықтар