Елордада жемқорлыққа қарсы шаралар талқыланды

Жемқорлыққа қарсы шаралар жүйелі түрде жүргізілуі керек. Бүгін елордада өткен дөңгелек үстел барысында Әділет министрі Ерлан Сәрсенбаев осылай деді.

Жиында еліміздегі азаматтық қоғамның заңбұзушылыққа төзбеушілігі сөз болды. Бүгінде Қазақстанда қоғамның бұл дертіне қарсы бірнеше механизм іске қосылған. Солардың бірі – әділет органдарына нормативтік-құқықтық актілерді сараптама жасау құқығын беретін заң. Осылайша, сыбайлас жемқорлық қаупін анықтау көзделген. Сонымен қатар қоғамда «Заң мен тәртіп» идеясын насихаттау концепциясы да бар.

Ерлан Сәрсембаев, ҚР Әділет министрі:

- «Заң мен тәртіп» концепциясы аясында норма шығару кезінде немесе заңнамаларды қолдану барысында жемқорлықтың алдын алу көзделген. Әділет министрлігі заңдарды шығару кезінде үйлестіруші орган. Сондықтан бұл құжаттарда коррупция қаупі болмауын тікелей қадағалауға мүдделі. Халық үніне құлақ асатын мемлекет ретінде біз азаматтардың жемқорлықтан таза елде тұрғанын қалаймыз.

Марат Башимов, ҚР Парламенті Мәжілісінің депутаты:

- «Заң мен тәртіп» дген принцип өте жемқорлыққа қарсы шығатын біздің құқықтық сана-сезімді жоғары деңгейге көтерді. Ол өте маңызды. Президент өзі де айтып отырады ғой. Тыңдаушы мемлекет, әділетті мемлекет, адал азамат. Осындай заң мен тәртіп деген принцип өзіміздің сана-сезімімізді көтеріп отыр.