Елорданың қос басылымы Астана Ақшамы мен Вечерняя Астана 35 жыл!

Ақпарат айдынына сонау "Ақмола ақиқаты" атауымен шыққан "Астана ақшамы" газетінің тарихы тереңде жатыр. Дәлірек айтқанда,13 қазан күні 35 жыл толды. Сол кезде газеттің тұңғыш бас редакторы Кенже Жұмағұлов болған. Оның өмір тарихында қаламы қарымды қаламгерлер Жанболат Аупбаев пен Дидахмет Әшімханұлы, Мағжан Садыханұлы, Нұртөре Жүсіп, Еркін Қыдыр басқаруымен қала өмірін қамтумен шектелмей, республикалық қоғамдық-саяси мәселелерді де талқылайтын басылымға айналды.

1997–1998 жылдары елорданың Алматыдан Ақмолаға көшуі, артынша Астана атауының қабылдануы басылымның жаңа тынысын ашты. Газеттің бірер саны «Ақмола ақшамы» аталып, кейін «Астана ақшамы» деген атауына тұрақтаған еді. Елорданың алғашқы құрылыс алаңынан бастап, бүгінгі мегаполиске айналған сәттеріне дейінгі барлық белестер мен бетбұрыстардың куәгері бұл сәттерін мерейтойлық кеште «Объективте – астана айшықтары» атты фотокөрмеде ұсынылды. Осыдан-ақ басылымдардың еліміздің ақпарат кеңістігін байытып, оқырмандарға сенімді жаңалықтар мен қызықты материалдар жеткізіп, елдің тыныс-тіршілігін баяндауын үзбегенін көрсетеді.

Қос басылымның мерейтойымен құттықтап, жылы лебізін білдіріп Айгүл Қосанова, Маржан Арапбаева,  Құрмаш Маханов сынды өнер майталмандары өз өнерімен көрермендерді тамсандырды.