Енді мен енемін : Динара Сәтжан қуанышты жаңалығын жариялады (видео)

Тележүргізуші Динара Сәтжан әлеуметтік желіде қуанышты жаңалығымен жариялады, – деп жазды Aikyn.kz.  

Ол ұлын үйлендіріп, той жасамақ. Ене болғанын айтқан тележүргізуші келініне сырға салып жатқан видеоны жариялады.

«Қуанышты бөліссең, көбейеді деген сөз бар қазақта. Менің де сіздерге айтар сүйінші жаңалығым бар. Бүгін болашақ келінімізге сырға салдық. Мен Айнұрды 4 жылдан бері танимын.  Даниал әскерге кеткенде, Айнұр екеуіміз бірге барып жүрдік. Сол кезде ұлымның жар таңдауда қателеспегеніне риза болдым. Айнұр тек сүйген жары ғана емес, ұлымның артындағы сенімді тыл болатынына көзім жетті. Сырға салу - ең әдемі, тағылымға толы дәстүр. Тіпті, жұбайлық өмірдің алғашқы баспалдағы десек те болады. Ең бастысы - құдалардың алдынан өттік, батасын алдық. Алда ұлымның үлкен тойы.  Қалай болар екен деп уайымдап та қоямын. Қасымда ақылшы, жанашыр қос мамам, жөн-жоралғыны жақсы білетін қайын әпкелерім, жаныма тірек болатын жарым бар. Сондықтан тойдың дайындығын да ерекше ықыласпен бастап кеттік», - деді ол.

Динара Сәтжан өзінің енесінен үйренері көп екенін жасырмады.

«Мен қандай ене болатынымды әлден білемін. Өйткені менің жанымда маған үлгі болатын жан бар», - деді тележүргізуші.

Сараптама, зерттеу мақала, күнделікті өзекті ақпаратты «Айқынның»  TELEGRAM   арнасынан табасыз.