ЕО Украинаны одаққа қабылдап, Ресеймен қақтығыс бастағысы келеді Орбан

АСТАНА, 8 желтоқсан - Sputnik. Еуропалық Одақ Украинаны 2030 жылға қарай қабылдауды жоспарлап отыр, деді Венгрия премьер-министрі Виктор Орбан, деп хабарлады РИА Новости.

"Еуропаның үстіне қара бұлт төніп жатыр. Брюссель Ресеймен соғысқа дайындалып жатыр және оның соғысқа кірісетін мерзімі 2030 жыл. Брюссель жариялаған қару-жарақ бағдарламасының мақсаты - Одақты 2030 жылға қарай соғысқа дайындау. Сонымен қатар 2030 жылы Украина Еуроодаққа жеделдетілген рәсіммен кіреді деп көзделіп", - деп жазды Орбан әлеуметтік желәде.

Венгрия премьер-министрі Еуроодақтың құрылу туралы келісіміне сәйкес, ұйымға мүше бір мемлекеттің аумағындағы қақтығыс басқа елдерді сол қақтығысқа қосылуға міндеттейтінін еске салды.

"Сондықтан, соғысып жатқан Украинаны Еуроодаққа қабылдау соғысқа дереу кірісуге әкеледі", - деді ол.

Оның айтуынша, венгрлерде 2026 жылғы парламент сайлауында қақтығысқа араласпау саясатын таңдауға және қолдауға әлі де мүмкіндік бар. Себебі 2030 жылғы келесі сайлауда мұны істеу кеш болады.