Freedom Finance: Қостанайдағы филиал басшысы әріптестерін жымқырған

Қостанайда Freedom Finance компаниясының бұрынғы филиал басшысы Руслан Кәкенов 5 жылға бас бостандығынан айырылды, - деп хабарлады Аikyn.kz.

Сот мәліметінше, ол қызметтік өкілеттігін асыра пайдаланып, қызметкерлерге төленген бонусы заңсыз иемденген.

Судья Кузнецованың айтуынша, Кәкенов өз әріптестерін алдап, жоғары басшылықтың атынан жалған ақпарат берген. Сөйтіп, олардың ақшасын иеленген.

Сот шешімімен ол банктер мен қаржы ұйымдарында жетекшілік қызмет атқару құқығынан 7 жылға айырылды. Бұрынғы әріптестеріне келтірілген шығынды өтеу туралы шешім де шықты: Ержановқа – 50 млн теңге, Қаракузиеваға – 16 млн, Сақтағановаға – 8 млн теңге төлеуі тиіс.

Үкім жарияланған соң Руслан Кәкенов сот залында қамауға алынды.

Айта кетейік,  2024 жылдың аяғында аталған компанияның солтүстік өңірдегі бөлімінің жетекшісі болған Виталий Световой қаржылық алаяқтық фактілері әшкере болған.