Freedom Finance ісі: ҚазТАГ басшылығы кінәлі деп танылды

Сот «ҚазТАГ» ақпарат агенттігінің бас директоры Әсет Матаевты қызметтік міндеттеріне адал қарамау және бұзақылық жасағаны үшін кінәлі деп таныды.

Сот үкімімен оған 3 жыл 6 ай мерзімге бас бостандығын шектеу жазасы тағайындалды. Алайда рақымшылық туралы заңның қолданылуына байланысты жаза мерзімі 1 жыл 3 айға дейін қысқартылды.

«Фридом Финанс» адвокаты «КазТАГ»-пен арадағы даудың неге қылмыстық сотқа дейін жеткенін түсіндірді

Ал агенттіктің бас редакторы Әмір Қасенов көрінеу жалған ақпарат таратқаны үшін кінәлі деп танылып, рақымшылықты ескере отырып 1 жыл 3 ай мерзімге бас бостандығын шектеу жазасына кесілді.

Іс бойынша талап-арызды Freedom Finance компаниясы берген.

Сондай-ақ сот үкімімен Әсет Матаев 3 жылға, ал Әмір Қасенов 5 жылға журналистік қызметпен айналысу құқығынан айырылды.

Іс бойынша айыпталған Жанна Қапарова да кінәлі деп танылды. Алайда рақымшылыққа байланысты оған тағайындалған жаза мерзімі нөлге дейін қысқартылды.

Бұдан бөлек, сот шешімімен Әсет Матаев, Әмір Қасенов және Жанна Қапаровадан Freedom Finance компаниясының пайдасына 165,4 миллион теңге көлемінде материалдық шығын өндірілетін болды.