Ғарыш мониторингі: Астанада 122 заңсыз қоқыс орны әшкереленді

Оның айтуынша, қалдықтардың заңсыз төгілген орындары «Ғарыш Сапары» АҚ жүргізген ғарыштық мониторинг нәтижесінде анықталған.

Қостанайда заңсыз қоқыс төккен тұрғынға 865 мың теңге айыппұл салынды

Анықталған 122 учаскенің 68-і толық тазартылып, жойылған. Қалған 54 аумақта жұмыстар әлі де жалғасып жатыр. Қоқысты шығару жұмыстарына 30 арнайы техника жұмылдырылып, 105 мың тоннадан астам қалдық шығарылған. Алматы, Есіл және Сарыарқа аудандарындағы барлық анықталған заңсыз қоқыс орындары толық жойылса, қазіргі уақытта жұмыстар Нұра ауданында жүргізіліп жатыр.

«Таза Қазақстан»: Полиция 3 мыңнан астам заңсыз қоқыс үйіндісін анықтады

Сондай-ақ, жыл басынан бері абаттандыру және санитарлық тазалық қағидаларын бұзғаны үшін 30,2 мың адам әкімшілік жауапкершілікке тартылған. Оның ішінде 585 адам қоғамдық орындарды ластағаны, 29 641 адам абаттандыру қағидаларын бұзғаны, ал 33 адам көлік құралдары арқылы қоқыс төккені үшін жауапқа тартылды.

Жалпы салынған әкімшілік айыппұл көлемі 73,3 миллион теңгеден асты.