Германия сыртқы істер министрі Украина бойынша келіссөзге жәрдемдесу қажеттігін мәлімдеді

АСТАНА, 18 шілде – Sputnik. Еуропаның алдында Украинадағы қақтығыс бойынша келіссөздің басталуына жәрдемдесу міндеті тұр, деп мәлімдеді Германия сыртқы істер министрі Йоханн Вадефуль.

"Соңғы уақытта АҚШ-тың Украина мәселесіне қатысуы бәсеңдеді. Сондықтан біз, еуропалықтар, бұл мәселеге араласуға мүмкіндік алып қана отырған жоқпыз, сонымен қатар алдымызда нақты міндет тұр", – деді Вадефуль RedaktionsNetzwerk Deutschland (RND) медиа тобына берген сұхбатында.

Болашақ келіссөз форматы туралы айта келе, министр Германияның белгілі бір қатаң ұстанымдарға байланбайтынын, серіктестерінің пікірін ескеретінін және жалпы еуропалық мүдделерді назарға алатынын атап өтті. Вадефульдің айтуынша, басты мақсат – диалогқа жол табу.