Германияда әскери жастағы ерлерге шетелге шығуға рұқсат қажет емес

Германияның қорғаныс министрі Борис Писториус мәлімдегендей, шақырылуға жататын жастағы ер адамдардан шетелге ұзақ мерзімге шығу үшін алдын ала рұқсат алу талап етілмейді, деп хабарлады BBC News Русская служба.

«Оларжың жасы 17 ме, әлде 45 пе — бәрібір, әркімнің саяхаттауға құқығы бар және қазіргі уақытта оған рұқсат қажет емес», — деді министр.

Бұл шешім қаңтарда күшіне енген әскери қызметті жаңғырту туралы заңға қатысты қоғамдағы пікірталастан кейін қабылданды. Заң Германияның қорғанысын күшейтуге бағытталған және қажет болған жағдайда міндетті әскери қызметті қайта енгізуді қарастырады.

Негізгі тармақтар:

Бұрынғы ережеге сәйкес, 17 жастан асқан ерлер үш айдан артық шетелде болу үшін рұқсат алуы тиіс еді. Писториустың айтуынша, бейбіт уақытта бұл талаптар қолданылмайды. Әскери қызмет әзірге ерікті түрде жалғасады.

Сондай-ақ, 2027 жылдың шілдесінен бастап барлық 18 жастағы ер азаматтар медициналық тексеруден өтіп, әскери қызметке жарамдылығы бағаланатын болады.

Бүгін, 14:02