Halyk Bank 2026 жылы Қазақстанның үздік жұмыс берушісі болып танылды екінші жыл қатарынан

Неліктен бұл үлкен жетістік

Top Employers Institute сертификаты — бұл жай ғана «тану сыйлығы» емес, HR-жүйелерді ауқымды деректер массиві негізінде кешенді бағалау. Әдістемеге сәйкес, зерттеу барысында 350-ден астам HR-практика және 600-ден астам метрика талданады. Сертификаттаудан өту үшін әрбір бөлім бойынша кемінде 60% нәтижеге қол жеткізу қажет.

«Мен үшін бұл мәртебе HR-процестер сапасының расталуы ғана емес. Бұл — біздің команданың жетілуін және Halyk Bank-те біз жүйелі түрде қалыптастырып жатқан басқару мәдениетінің мойындалуы.

2025 жылы біз Top Employer мәртебесін алған алғашқы қазақстандық бренд болдық және осы тізімдегі жалғыз қазақстандық бренд болып қалып отырмыз. Бұл біздің басқарушылық шешімдеріміздің, адамдарды дамытуға деген көзқарасымыздың, цифрлық трансформация мен көшбасшылық тәсілдеріміздің халықаралық стандарттарға сәйкес келетінін білдіреді.

Бұл нәтижеге мыңдаған қызметкерлердің күнделікті еңбегі, мықты басқару командасы және Halyk Bank-тің тұрақты дамуына деген ортақ жауапкершілік негіз болды. Біз тек тәжірибелерді енгізіп қана қоймаймыз — адамдар өсіп, жауапкершілік алып, жоғары нәтижелерге ұмтылатын ортаны қалыптастырамыз», — деп атап өтті Halyk Bank Персоналды басқару департаментінің директоры Индира Аширова.

Бағалау HR Best Practices Survey халықаралық зерттеуі аясында жүргізіледі. Ол 6 HR-доменді және 20 тақырыпты қамтиды: people strategy мен жұмыс ортасынан бастап оқыту, D&I және wellbeing бағыттарына дейін. Аудит қорытындысы бойынша Halyk Bank халықаралық эталоннан жоғары нәтиже көрсетті.

«2026 жылы ел деңгейінде Top Employer мәртебесін алу Halyk Bank-тің бизнестің ұзақ мерзімді тиімділігін қолдайтын тұрақты және мықты жұмыс ортасын құруға деген ұстанымын көрсетеді. HR-стратегия мен ұйым мақсаттары арасындағы нақты байланыс, сондай-ақ үздіксіз жетілдіруге бағытталған көзқарас жүзеге асырылып жатқан трансформациялық тәжірибелердің маңыздылығын айқындайды. Біз Halyk Bank-тің Қазақстандағы заманауи еңбек нарығын дамытуға қосқан үлесін мақтан тұтамыз», — деді Top Employers Institute бас директоры Адриан Селигман.

Айта кету керек, 2025 жылы Halyk Bank бұл халықаралық мәртебеге ие болған алғашқы қазақстандық бренд ретінде танылған еді.

Halyk Bank-тегі HR масштабының контексті

Банк елдегі ең ірі командалардың біріне ие: 14 мыңнан астам қызметкер және 540-тан астам бөлімше мен филиалдан тұратын ең кең физикалық желі. Компания адами капиталды дамытуға және қызметкерлердің кәсіби құзыреттерін жүйелі түрде арттыруға ерекше назар аударады.

Top Employers Institute — HR-стратегияларды бағалау саласындағы жетекші халықаралық ұйым. Сертификаттау бағдарламалары мен аналитикалық құралдар арқылы институт компанияларға персоналды басқару тәжірибесін жетілдіруге, бәсекеге қабілеттілікті арттыруға және тиімді еңбек ортасын қалыптастыруға қолдау көрсетеді.