Halyk Group Tenge Bank тің жаңа ғимаратының ашылғанын жариялады

Іс-шараның Қазақстанның Ұлттық валютасы – теңге күні өткені символдық. Ашылу салтанатына онлайн-режимде Қазақстан Президенті Қасым-Жомарт Тоқаев пен Өзбекстан президенті Шавкат Мирзиёев қатысты. Бұл оқиға біздің республикалар арасындағы қаржылық ынтымақтастықты нығайтудағы маңызды қадам болды.

Қазақстан мен Өзбекстанның тереңдетілген өзара іс-қимылы бизнестің сенімін арттырып, инвесторлар мен серіктестер үшін мүмкіндіктерді кеңейте отырып, айтарлықтай нәтижелер көрсетіп отыр. Өзбекстан ауқымды экономикалық реформалар жүргізуде. Қазақстанның экономикалық серпіні ұлттық дамудың орнықтылығын растайды: 2025 жылдың алғашқы он айында ЖІӨ өсімі 6,4% құрады. Елдің банк секторы Орталық Азия өңіріндегі ең мықты болып саналады, бұл басқа елдердің экономикасына белсенді инвестиция салуға, сол жерде өзінің еншілес компанияларын ашуға мүмкіндік береді.

2019 жылдан бастап Halyk Group құрамына кіретін Tenge Bank Қазақстан мен Өзбекстан арасындағы сенімді қаржы көпіріне айналды, ол арқылы бизнеске және халыққа жалпы сомасы $1,5 млрд кредит  берілді. Ташкенттің іскерлік орталығында ашылған жаңа Tenge Bank ғимараты $35 млн инвестициямен салынды.

Tenge Bank несие портфелінің 65%-дан астамын құрайтын шағын және орта бизнесті қолдауға баса назар аударады. ШОБ – экономикалық өсудің, жұмыспен қамтудың және инновацияларды дамытудың негізі және банк кәсіпкерлерді заманауи қаржы сервистері арқылы қолдайды.

Цифрлық трансформация – Tenge Bank стратегиясының басты басымдықтарының бірі. Банк кәсіпкерлер мен халыққа «бір терезеде» қызметтердің кең спектріне қол жеткізуді қамтамасыз ететін Tenge Business және Tenge24 платформаларын белсенді дамытуда. Клиенттер қаржысын басқарып, несие рәсімдеп және операцияларды онлайн бір ғана кликте орындай алады.

2024 жылдың маусымында Tenge Bank Өзбекстандағы ШОБ клиенттері үшін онлайн-шоттар ашуды, сондай-ақ жеке кәсіпкерлерге толық цифрлық кепілсіз кредит беруді іске қосқан алғашқы банк болды. Сонымен қатар  Halyk Bank карталары мен Өзбекстанда шығарылған карталар арасында жедел аударымдар қамтамасыз етілді, бұл екі елдің клиенттері үшін қаржылық қызметтердің ыңғайлылығы мен қолжетімділігін айтарлықтай арттырады.

Halyk Bank – Halyk Group флагманы және активтері $37 млрд астамды құрайтын Орталық Азияның ірі қаржы институты. Топ қаржы нарығының барлық сегменттерінде – корпоративтік және бөлшек банк бизнесінде, сақтандыруда, лизингте, брокерлік қызметтерде, активтерді басқару мен телекоммуникацияларда қызметтердің кең спектрін ұсынады. Halyk Group-тың стратегиялық қатысуы Қазақстан, Өзбекстан және Грузияны қамтиды, бұл ретте Өзбекстан одан әрі халықаралық кеңейту үшін негізгі нарық ретінде қарастырылады.