Халықаралық рейтингте мәртебеміз айқындалды

Еліміз жасанды интеллектіні ауқымды енгізу мен цифрлық экономиканың негізгі көрсеткішін тұрақты өсіру арқылы жетекші цифрлық держава мәртебесін нығайтпақ.

Премьер-министрдің орынбасары – Жасанды интеллект және цифрлық даму министрі Жаслан Мәдиев ведомствоның бір жылдағы қызметінің қоры­тындыларына арналған бас­па­сөз мәслихатын өткізді. Ол жыл қорытындысында еліміз халықаралық рейтингтегі позициясын нығайтқанын, ЖИ дамуының институционалдық негізін қалыптастырғанын, «alem.cloud» ұлттық суперкомпьютер­лік кластерін іске қосқанын және мемлекеттік қызметтерге, экономикаға, әлеуметтік салаға цифрлық және ЖИ шешімдерін ауқымды енгізуді қамтамасыз еткенін атап өтті.

Халықаралық бағалау­ларға сәйкес, бүгінде еліміз электрон­дық үкіметтің даму индексін­де (EGDI) 24-орында, онлайн-қызметтер индексі (OSI) бойынша әлемнің топ-10 еліне кіреді. Бұған қоса «alem.cloud» ұлттық суперкомпьютерлік клас­тері әлемдегі ең ірі супер­ком­пью­терлердің TOP-500 рей­тингіне еніп, 86-орынға ие болды. Осылайша, еліміз есеп­теу қуаты бойынша өңір көш­басшыларының бірі ретіндегі мәртебесін растады.

«Бұл ұстанымдар цифрлық жетілу деңгейін ғана емес, сонымен қатар мемлекеттің бас­қару тәжірибесіне жасанды интел­лектіні ауқымды түрде енгізе алу қабілетін де көрсетеді», деді Ж.Мәдиев.

Еліміздің цифрлық экономикасын дамытудың негізгі эле­менті «Astana Hub» экожүйесі болып қала береді. Вице-премьердің айтуынша, бұл алаң бүгінде екі мыңға жуық IT-компания­ны біріктіреді. 2025 жылы хаб же­лісі 20 аймақтық және 4 ха­лық­аралық сайтты қамтыды. Қатысушылардың табысы 800 млрд теңгеге жетіп, 20%-ға өсті, ал елдің IT-экспортының көлемі 1 млрд долларды құрады.

«Халықаралық хабтар арқылы 100-ден астам қазақстандық стартап шетелдік нарыққа шықты. Экожүйеде аймақтың алғашқы технологиялық «сыңармүйіз» компаниясы пайда болды, ол – «Higgsfield.ai». Ал венчурлық қаржыландыруды дамыту үшін мақсатты көлемі 1 млрд доллар болатын «Qazaqstan Venture Group» құрылды, қазіргі уақытта 115 млн доллар қаражат тартылды», деп толықтырды Ж.Мадиев.

Мектептегі тамақтану жүйе­сін цифрландыру өңірлерде бюджет қаражатын 30%-ға дейін үнемдеуге мүмкіндік бер­ді. Еліміз «GovTech» бағыты мен цифрлық мемлекеттік қыз­мет­терді дәйекті түрде дамы­тып келеді.  Вице-премьер жаңар­тылған «eGov Mobile» қосым­шасы ай сайынғы аудиторияны бір жыл бұрынғы 4,2 млн пайдаланушыдан 6,4 млн-ға дейін арттырғанын атап өтті. «EGov Business» платформасы іске қосылды, ол арқылы бір жылда 4,6 млн қызмет көрсетілді.

«Экономикалық тұрғыда тиім­ділігін көрсетіп отырған «Әлеу­мет­тік әмиян» елеулі түр­де дамып жатыр. Мектептегі тамақ­та­ну жүйесіне 6,7 мың мектеп қаты­сады, 49 млн тегін түскі ас бері­ле­ді, бұл ретте өңірлер­де бюд­жет қаражатын үнемдеу 15%-дан 30%-ға түсті. Дәрі-дәрмек­пен қам­та­ма­сыз ету саласында жү­йе 700-ден астам мемлекеттік дәрі­хана мен 13 млн рецептіні қам­тыды», деді Ж.Мәдиев.

Вице-премьер еліміз жерді қашықтан зондтау спутниктерін топтастырудың негізгі жобалау кезеңі аяқталғанын, «Союз-5/Сұңқар» зымыран тасығышын ұшыру үшін «Бәйтерек» кешенін дайындау жоспарлы режімде жалғасып жатқанын айтты.

«Байланыс және телекоммуникация саласында «Қолжетім­ді интернет» бағдарламасы ба­сымдыққа ие болып отыр, оның шеңберінде 2027 жылдың соңы­на дейін 3 мыңнан астам ауыл жоғары жылдамдықты интернетпен қам­та­масыз етіледі. Өңірде алғаш рет «Starlink» және «OneWeb» спутниктік интернет қыз­меті ресми түрде іске қо­сыл­ды, «Direct-to-Cell» тех­ноло­гия­­­сына тестілеу жүргізілді», деді ол.

Пилотсыз технологияларды тестілеу бойынша қанатқақты жоба іске қосылады. Елімізде инновациялық көлік жүйелерін енгізу үшін базалық жағдайлар жасалған. Жақын арада барлық құрамдас бөліктерді тексеру мен одан әрі жұмыс бағыттарын анық­тау үшін технологияны пи­лоттық режімде іске қосу жоспарланып отыр. Бұл бола­шақ­та жобаны бұдан да үлкен аумақтарға кеңей­ту­ге мүмкін­дік береді.

«Біз қандай компонент­терді қайта қарау керектігін тексеру үшін пилоттық ре­жімді іске қосуды бас­таймыз. Ол үшін қауіпсіз тес­ті­леу ай­мағы анықталады. Алын­ған нә­тижелер негізінде жол инф­ра­­­­құ­рылымының стандарт­тарын әзір­лейміз. Пилот­тық іске қосу қоры­тындысы бо­йын­ша жол ин­фрақұрылы­мы­на қо­йы­­­­­­ла­тын ең төменгі талап­­тар ле­гі әзірленетін болады», деді вице-премьер. 

Соңғы жаңалықтар

Міндетті таңбалауға тағы бір өнім қосылды

Экономика • Бүгін, 09:23

ӘКК кәсіпкерлерге қорған бола алмай тұр...

ЖОЛДАУ • Бүгін, 09:20

Көлік нарығы көңіл көншіте ме?

Сараптама • Бүгін, 09:18

Саламатты қоғам құрудың түп негізі

Денсаулық • Бүгін, 09:15

Ауылға қамқор азамат

Еңбек • Бүгін, 09:12

Білікті жандарға ел риза

Қоғам • Бүгін, 09:10

Су қауіпсіздігі өзара сенімге тәуелді

Мәселе • Бүгін, 09:08

Алғаш рет жүрек алмастырды

Медицина • Бүгін, 09:05

Халықаралық рейтингте мәртебеміз айқындалды

Экономика • Бүгін, 09:00

Жастарды жасқаған баспана

Пікір • Бүгін, 08:55

Құмарпаз болма әрнеге...

Қоғам • Бүгін, 08:50

Дархан Ахмед-Заки: Президент реформасы жоғары білімге тың серпін береді

Сұхбат • Бүгін, 08:45

Микология майталманы

Тұлға • Бүгін, 08:40

Дәрігерлерге алғыс айтамын

Қоғам • Бүгін, 08:38

Ізденіс өндірісті қуаттандырады

Инфографика • Бүгін, 08:35

Барлық жаңалықтар