Invest Hong Kong орталығының басшысы Альфа Лау Алматыға келді

Гонконг (ҚХР) арнайы әкімшілік ауданының үкіметі жанындағы Invest Hong Kong орталығының басшысы Альфа Лау  Алматыда Гонконгтың әлеуетін Оңтүстік Қазақстан нарығына шығу үшін тұғырнама ретінде пайдалану жөніндегі жобаның тұсаукесерін өткізді, деп жазады  Egemen.kz.

Invest Hong Kong Гонконгта жеке қатысуды арттыруға, оның ішінде бизнесті тіркеуге, банк шоттарын ашуға, жұмыс визаларын, қажетті лицензиялар мен рұқсаттарды алуға, өндірістік және офистік алаңдарды, тұрғын үйді жалға алуға және жұмыс режиміндегі өзге де өзекті мәселелерге мүдделі компанияларға жан-жақты қолдау көрсетеді.

Альфа Лау Қазақстанның ҚХР мен Гонконг САР үшін сенімді инвестициялық әріптес ретінде ғана емес, Орталық Азия нарығына шығуға жол ашатын стратегиялық хаб ретінде маңызды рөлін атап өтті. Оның айтуынша, көптеген гонконгтық компаниялар, атап айтқанда қаржы секторынан Қазақстанға жоғары қызығушылық танытуда. Гонконгтың әлеуетін Оңтүстік Азия нарықтарына шығу үшін тұғырнама ретінде пайдалануды қоса алғанда, ынтымақтастықты дамыту екі тарап үшін де өзара тиімді болады.

Альфа Лауның айтуынша, былтыр Гонконгқа 45 млн адам келген. Айта кетейік, оның халқы 7,5 млн адамды құрайды."Өткен жылдың соңында Гонконгта негізгі компаниялары Гонконгтан тыс жерлерде орналасқан 9960 ұйым жұмыс істеді. «Бұл негізгі компаниялардың орналасуы жылдан жылға өзгермейді: бұл құрлықтық Қытай, Жапония, АҚШ, Ұлыбритания және Сингапур», дейді баяндамашы. 

Лау ханымның айтуынша,  «Орталық Азияның үш елі, Евразия құрлығының дәл ортасында орналасқан, «Бір белдеу, бір жол» бастамасының маңызды орталықтары.  «Олардың бай табиғи ресурстары, жалғасып жатқан экономикалық реформалары мен үлкен нарықтық әлеуеті, қуатты өсудің серпінін қамтамасыз етеді»,  деп атап өтті Лау ханым.

Оның айтуынша, Гонконгтың сенімді құқықтық-нормативтік базасы, қарапайым салық режимі Орталық Азиядағы инфрақұрылымдық және девелоперлік жобаларды қаржыландырудың әртараптандырылған арналарын қамтамасыз ете алады.

Гонконгтың әлеуетін Оңтүстік Азия нарықтарына шығу үшін тұғырнама ретінде пайдалануды қоса алғанда, ынтымақтастықты дамыту екі тарап үшін де өзара тиімді болады. Соңғы жылдары Гонконг пен Қазақстан арасындағы тауар айналымының жалпы көлемінің өсуі байқалды және оны одан әрі ұлғайту үшін барлық алғышарттар бар.

Сонымен қатар, ол Алматы мен Гонконг арасындағы тікелей әуе қатынасын қалпына келтіру бойынша бірлескен күш-жігер жұмсауға шақырды.