​Иранда Израиль пайдасына тыңшылық жасады деп айыпталған азамат өлім жазасына кесілді

Иранда Хамидреза Сабит Исмаилпурға қатысты өлім жазасы орындалды. Ол Израильдің барлау қызметі «Моссадтың» пайдасына тыңшылық жасады деп айыпталған. Бұл туралы Tesnim агенттігі елдің сот органдарының ресми мәлімдемесіне сілтеме жасап хабарлады, деп жазады АА.

Исмаилпур 2025 жылғы 29 сәуірде ұсталған.

Оған «Моссадпен байланыс орнатты», құпия құжаттарды берді деген айып тағылған.

Сондай-ақ жарылғыш заттар тиелген көліктерді тасымалдауға қатысқан және диверсиялық әрекеттерге логистикалық қолдау көрсеткені айтылды.

Сот Исмаилпурды «дұшпандық барлау қызметінің пайдасына тыңшылық жасады» деп кінәлі деп танып, оған шығарылған өлім жазасы орындалды.

Бүгін, 13:43